قال المنتج هانى محروس، إنه يحب أغانى المهرجانات ويحب سماعها، مضيفا أنه لا يمانع على الإطلاق من العمل مع حمو بيكا. وأضاف المنتج هانى محروس خلال لقائه مع تليفزيون اليوم السابع: "بحب أغانى المهرجانات، بس مش حافظها ومعرفش المطربين أوى" وعن حمو بيكا وإمكانية العمل معه، قال: "بحب حمو بيكا وممكن اشتغل معاه، لكن هشتغله حاجة مختلفة لا تسيئ لحد هشتغله كمهندس صوت، هو بيغنى نوع معين مافيهوش مجهود".
وعن أزمة حمو بيكا وهانى شاكر، قال: "هانى شاكر طيب ومتسامح وأب لناس كتير، وحمو بيكا الغلط اللى غلطته يتصلح وعفى الله عما سلف، أحنا لما بنسامح بعض بنلاقى الحياة أحلى".
وعن المشروع الذى يعمل عليه، قال: "فيه أكتر من مشروع مع نماذج شابة رجال وسيدات، وقبل نهاية 2020 من المنتظر أن يظهر أحد منهم على الساحة، بالإضافة إلى أنه ستكون هناك مشاريع جديدة خلال 2021".
وعن الأصوات الغائبة عن الساحة ويأمل فى رجوعها، قال: "أصوات كثيرة منها، على الحجار، ومدحت صالح، ومحمد ثروت، وهناك أصوات مهمة كتير".
وأخيرا عن أزمة تامر حسنى وزوجته بسمة بوسيل، قال: "تامر أخويا أنا ماكلمتوش وقتها عشان عارف أنها أزمة وهتتحل، أى زوج أو أى زوجة كل منهم بيغير على التانى، وفى النهاية بسمة مراته اللى بيحبها وأم عياله وهى كمان بتحبه".
تم أضافة تعليقك سوف يظهر بعد المراجعة