يحرص العديد من الشباب رواد موقع التواصل الاجتماعى "تويتر" على إطلاق هاشتاجات عن أى موضوع اجتماعى، والتى كان أحدثها هاشتاج "الرجالة لما بتحب"، والذى انتشر على مستوى مصر، وحرص الكثير على إبداء رأيه سواء بكتابة بعض الجمل أو نشر "كوميك" أو صورة تحمل اقتباسا من أغنية أو حكمة تتماشى مع الهاشتاج.
واختلفت آراء الشباب حول هاشتاج "الرجالة لما بتحب"، حيث عبر البعض بجدية عن رأيه، حيث ذكر أحد الأشخاص قصة حبه لزوجته حيث قال "اتعرفت عليها عن طريق فيس بوك، طلعت جارتى، ويوم ميلادها نفس يوم ميلادى، بعد 3 أشهر اتقدمت لها، 4 مرات واترفضت، والمرة الخامسة، وافقوا عليا، حاربت وعافرت عشان حبيتها بجد والنهاردة بقالنا 96 يوم فى بيتنا، اللى بيحب بجد بيعافر، وربنا بيراضيه ويكرمه".
ردود على هاشتاج الرجالة لما بتحب
وقال أحمد هانى، خلال مشاركته على الهاشتاج "الرجالة لما بتحب بتعمل المستحيل، بتجيب قطعة من السماء، أو نجمة من النجوم، لما بتحب بتقول كل الكلام الحلو، ليكم، وبنحاول بقدر المستطاع نكون على قد المسئولية، عشان نفضل دايما فى نظركم حلوين، الرجالة طموحها بسيط، محتاجين حد يحترمنا، ويقدر مشاعرنا، وإحنا بأقل كلمة حلوة بيتضحك علينا"، وأضاف أحمد فارس، بكتابة جملة واحدة: "الرجالة لما بتحب بتخلص وتهتم".
هاشتاج على تويتر
كوميك أخر
التعليقات على الهاشتاج
الرجالة لما بتحب
فى المقابل عبر عدد من الشباب بطريقة ساخرة عن رأيهم فى هاشتاج "الرجالة لما بتحب"، حيث نشر إبراهيم محمود صورة ملتقطة من مشهد لفيلم "كلمنى شكراً"، وكتب :"إحنا يا بنتى.. إحنا بنبقى فى الشغل 11 و12 ساعة وبنرجع على النوم عشان نلحق تانى يوم الشغل"، ونشر أنس فايز كوميك من فيلم كرتون الشهير "شركة المرعبين المحدودة"، وكتب "أجمل ماقيل فى الحب..أبعد إيدك عن شعنونتى"، كما نشر أيمن كوميك من مشهد من مسلسل "100 وش"، المشهور بجملة "أنا يا أختى .. شكراً على ثقتك الغالية"، وكتب الرجالة لما شافت التريند.
ردود على الهاشتاج
كوميك
هاشتاج الرجالة لما تحب
تم أضافة تعليقك سوف يظهر بعد المراجعة