خالد صلاح

برعاية سوبر كورة

سوبر كورة

راندا جاد تكتب: البوسطجى

السبت، 24 نوفمبر 2018 08:00 م
راندا جاد تكتب: البوسطجى

مشاركة

اضف تعليقاً واقرأ تعليقات القراء

بوسطا..

مين اللى منتظر البوسطة ؟

معايا رسائل حب للعشاق

معايا اللى يطفئ نار الشوق والغرام

معايا اللى يطمن المشتاق

واللى يريح قلوب الأمهات من وجع الفراق

معايا الابتسامة من صورة العزيز الغايب

معايا العتاب من البعيد المنسى

معايا الدعاوى لزيارة الحبيب

معايا كروت دعاوى للفرح و الهنا

معايا كروت النجاح و نتائج استجابتكم لحى على الفلاح

بوسطا !

فواتير .، فواتير .، فواتير

معايا فواتير سهر الليالى

معايا فواتير همس العشاق

معايا فواتير الفراغ

معايا فواتير المتعة

معايا حسابات البنوك معايا قروضك ومصروفك

معايا فواتير مشترياتك عمارات شاليهات  سيارات

معايا برقيات تعازى اللى عايش فى الدنيا فانى

معايا أحكام قضائية لو كنت ظالم جه يومك  ولو كنت مظلوم ربك ينصرك

معايا إنذار بالطرد معايا دعاوى  طلاق و نفقة ضم طفل و تشريد ولية

خد منى أجمل نصيحة 

الحزن والفرح مش دايمين

حيجيلك دعاوى الفرح كتير و برقيات الحزن عارفة طريقك

اقبلهم بنفس راضية و اوعى تنسى فضل ربك

ربك جبار و حيجبرك ومن كل سوء حيحفظك

 وصلى و ادعى فى صلاتك يبعد عنك شيطانك

ده شيطانك أقوى من شيطانهم حيدمرك قبل ما يدمرهم 

 

 

 


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة