فى ظل المعاناة التى شكى منها مرات مرات أهالى مساكن روز اليوسف بكفر طهرمس فى منطقة فيصل من انقطاع مياه الشرب لمدة تتجاوز الـ16 ساعة يوميا، خرج المهندس حنفى محمد حنفى، رئيس شركة مياه الشرب والصرف الصحى بالجيزة، برد أثار حفيظة سكان المنطقة المضارة.
وجاء رد رئيس شركة المياه على شكوى الأهالى، قائلًا: "مش معقول كل من لديه مشكلة فى المياه أو المياه قاطعة عنده هيتصل برئيس الشركة، اللى عنده مشكلة يتصل بالخط الساخن الخاص بشكاوى المياه"، مؤكدا أنه ليس لديه حل للمشكلة.
وكان أهالى مساكن روز اليوسف بكفر طهرمس بشارع فيصل بمحافظة الجيزة استغاثة عاجلة إلى اللواء كمال الدالى محافظ الجيزة بسبب إنقطاع المياه عن المنطقه يوميًا لمدة تتجاوز 16 ساعة الأمر الذى تسبب لهم فى أضرار مادية ومعنوية كبيرة.
وقال أهالى مساكن روزاليوسف بكفر طهرمس بشارع فيصل بمحافظة الجيزة فى استغاثتهم لـ"اليوم السابع" أن إنقطاع المياه مستمر منذ أكثر من إسبوع ولمدة تتجاوز 16 ساعة يوميًا وأشاروا إلى أن جميع البيوت بها أطفال وكبار للسن ولهم متطلبات يومية وعاجلة وملحة ولا يمكن تصور عدم تلبيتها فى ظل الانقطاع الدائم للمياه.
وأضاف الأهالى أن المنطقة بها معامل ومصانع ومحال تجارية قائمة على توفير المياه مما تسبب فى أضرار كبيرة للقاطنين للمنطقة وأصحاب المحال التجارية وهدد الأهالى بتنظيم وقفة احتجاجية أمام شركة مياه الجيزة ومبنى المحافظة خاصة بعدما تجاهل المسئولين حل الأزمة منذ الأسبوع الماضى.
وقال الحاج مصطفى عفيفى أحد سكان المنطقة لـ"اليوم السابع" إننا متضررين من انقطاع المياة خاصة مع الإرتفاع الشديد للحراره مؤكدا أنه تواصل أكثر من مرة مع قيادات المحافظة وشركة مياة الشرب إلا أنهم تعللوا بأن ذلك بسبب ضغط الاستهلاك رغم أن ذلك لم يحدث من قبل على الإطلاق وطوال السنوات الماضية.
عدد الردود 0
بواسطة:
مصرى اصيل
الحل
طالما سيادتك معندكش حل ومتأذى بالاتصال بسعادك فالحل الوحيد هو انك ترحل عن منصبك وتتركه للعنده حل ومتزعلش الناس اسفه انها كلمتك ليس هذه المنطقه ققط الاى تعانى من انقطاع المياه بالساعات فهناك الطوابق والمنشيه
عدد الردود 0
بواسطة:
فرعون
عادى
أمثال هذا هم اللى آخرين البلد و يتقاضوا مرتبات خياليه. هادى جدا و لا يهمك يا باشا اسفين على الإزعاج.
عدد الردود 0
بواسطة:
محمد
نفس المشكلة في شارع الثلاجة صفط اللبن الجيزة
المياة لا تعمل غير ساعتان في اليوم من الساعة 3 الفجر الي الساعة 5 الفجر ولزم نسهر طول الليل عشان المياة
عدد الردود 0
بواسطة:
عايده
سيادة المحافظ...اللواء
حضرتك ساكن في الجيزة و لا في محافظة تانية .. طيب لو ساكت المياه بتقطع ولا عندك خزان ... نحن سكان ارض اللواء و المناطق المجاورة لها ....اهى المنطقة علي اسمك..المياه بالامس قطعت من الثانية عشر ظهرا الي الثانية صباحا اليوم التالي ... ملحقتش اكمل الوضوء لصلاة الظهر ..اية الحل ..
عدد الردود 0
بواسطة:
فؤاد
16 ساعة بس عملة استغاثة دة احنا ابطال على كدة
و اية بعنى مهى فى الملكة فيصل بقالها 6 سنين المية ما بتجيش فيها الا 4 ساعات فى اليوم و عايشين بالجراكن و محدش بيسمع ولا حد عايز يتحرك
عدد الردود 0
بواسطة:
فاطمه محمد
انقطاع المياه ف فيصل
أسبوع ايه المياه بتقطع من قبل رمضان أمس بتيجي غير ثلاث ساعات ف اليوم حسبي الله ونعم الوكيل فيكم حكومه
عدد الردود 0
بواسطة:
Sherif sabry
انت مابتعرفش
لا هو اكيد فيه حل بس انت مش عارفه ولما تكون مابتعرفش يبقي لازم تتكسف وتسيب المنصب لحد بيفهم يخرج الناس من المشكله اللي هما فيها انت كلامك ده عار علي البلد انت مش عارف انك شغال عند المواطنين اللي بيدفعولك مرتبك من فلوس الضرايب و فواتير الميه العاليه اللي اصلا مابتوصلهمش حضرتك لو ملبي طلبات الناس ماكنش حد اتصل بيك ياريت لو مش عارف تدير وتحل ياريت تتفضل تمشي من منصبك واكيد في حد غيرك يقدر يقدم حلول
عدد الردود 0
بواسطة:
آسف
Sorry bad service
أعتقد الأفضل أن تتركها لمن عنده حلول
عدد الردود 0
بواسطة:
نيفين
الميه
حسبى اللله ونعم الوكيل احنا بقالنا 3 ايام مافيش ميه خالص واللهى وهى اساسا فى الطبيعى مش بتيجى غير ساعتين فى اليوم دى مش حياه ادميه خالص ربنا ينتقم منكم واحنا داخلين على عيد ربنا ينتقم منك يااارب ﻻنك اكيد مش هتقيلها على نفسك