صحافة المواطن.. عامل مصرى يتهم وكيل نيابة قطرى بمصادرة جواز سفره وإذلاله

يواجه المواطن محمد عبد المنعم، مواطن مصرى الجنسية، اضطهاد وكيل نيابة قطرى، بعد مصادرته لجواز سفره وأمواله، ومنعه من السفر إلى مصر منذ 4 أعوام.

وأضاف محمد عبد المنعم، فى رسالة لخدمة صحافة المواطن بـ"اليوم السابع" قائلاً "أنا عندى مشكلة مع قطرى على سعيد القحطانى وكيل نيابة، ويستخدم كل سلطاته ضدى ومنعنى من السفر ومش عارف أعمل إيه".

وتابع المواطن المصرى قائلاً "لو تسعدونى جزاكم الله خير، عايزكم تهتموا بمشكلتى وتوصلوا صوتى للمسئولين، أنا مش عارف أعمل إيه، عندى 5 أولاد وبقالى 4 سنين مش عارف أنزل".

وعن سبب اضطهاد وكيل النيابة القطرى له، يروى عبد المنعم قائلاً "أنا مقاول رخام وكنت واخد عنده شغل، وما حاسبنيش وعلشان بقله فيه قانون، قالى ورينى قانونك ولا قانون القحطانى اللى هيمشى، وطلع قانون القحطانى الظلم هو اللى ماشى".

وواصل قائلاً "عملى بلوك على ورقى من غير ما يبقى فيه قضية، اتحبست أكتر من مرة من غير أى اتهام، وبقالى 4 سنين مبيعديش شهر إلا ياخدونى، الموضوع كبير والله وياريت تساعدونى، شرطه الوحيد على شان يسبنى فى حالى أمسك شبشبه بفمى أنا لو هموت مش هعمل كده".

موضوعات متعلقة..

- القارئة إسراء المصرى تشارك "صحافة المواطن" بصور للوحاتها الفنية