نيبو وأرض الفراعنة.. الملكة التى صنعت الملوك

نيبو توقفت فجأة
أمامها تمثال ضخم يملأ بهو المتحف المصرى بالتحرير
كرم رفع رأسه ببطء:
يا نهار أبيض ده قد إيه كبير!
منصور بصوت هادئ:
مش مجرد تمثال
دى واحدة من أقوى ستات مصر القديمة
كرم:
مين دي؟
منصور:
الملكة تي
كرم:
ملكة؟
بس شكلها مش من عيلة ملوك
منصور ابتسم:
لأنها فعلًا مش من أصل ملكي
أبوها كان كاهن للإله مين
وأمها رئيسة حريم الإله فى أخميم
كرم بدهشة:
يعنى إزاى بقت ملكة؟
منصور:
اتجوزت وهى صغيرة من أقوى ملوك الدولة الحديثة أمنحتب الثالث
ملك عصر الدبلوماسية والزواج السياسي
نيبو اقتربت من التمثال
كأنها تراقب وجه الملكة
منصور:
لكن تى ما كانتش مجرد زوجة ملك
كانت شريكة حكم
اسمها كان بيتكتب فى المراسلات الدولية
وكانت نائبة عنه فى الاحتفالات
كرم:
يعنى كان لها سلطة حقيقية؟
منصور:
أكتر مما تتخيل
منصور يصمت وينظر للتمثال
منصور يكمل حديثه:
وأنجبت ابنها إخناتون
كرم:
اللى غير الديانة؟
منصور:
أيوه
حول عبادة مصر من آمون إلى آتون
ونقل العاصمة لتل العمارنة
كرم:
وهى كانت موافقة؟
منصور هز رأسه:
لا
كانت موالية لآمون
لكنها رغم اختلافها مع ابنها
ساندته فى الحكم
نيبو جلست أمام التمثال فى هدوء
كرم:
سمعت إنها كان لها علاقة بنفرتيتي؟
منصور:
يقال إنها هى اللى قدمت
نفرتيتي
لابنها فى إحدى حفلات القصر
كرم ابتسم:
يعنى صنعت ملك وصنعت ملكة
منصور:
ولسه تأثيرها ما انتهاش
كرم باستغراب:
إزاي؟
منصور:
لما اكتشفوا مقبرة الملك
توت عنخ آمون
لقوا خصلة من شعر جدته الملكة تى محفوظة فى تابوت صغير باسمه
كرم اندهش:
يعنى كانت لسه حاضرة فى حياته حتى بعد موتها؟
منصور:
بعض الناس
بيفضلوا يحكموا التاريخ حتى من بعد رحيلهم
نيبو رفعت رأسها فجأة
نظرت نحو تمثال أصغر فى نهاية القاعة
كرم:
نيبو شايفة إيه دلوقتى؟
منصور ابتسم ابتسامة غامضة:
المرة الجاية
حكايتنا عن تمثال صغير جدا
لملك كبير
كرم:
ملك صغير؟
منصور:
ملك بنى صرحا
واحدا من عجائب الدنيا السبع
نيبو بدأت تتحرك
كرم همس:
هو إحنا رايحين لفين تاني؟
منصور:
المرة الجاية
هتعرف.