بشير التابعى: خايف على الزمالك أمام بيراميدز من التحكيم المصرى

أبدى بشير التابعي نجم الكرة المصرية السابق، تخوفه من التحكيم المصري في مباراة الزمالك وبيراميدز المقبلة في الدوري.

وقال التابعي، في تصريحات مع سهام صالح لبرنامج الكلاسيكو: بشكر جمهور الزمالك ومعودنا على كده.. وربنا بيكافئنا عشان خاطر الجمهور، إحنا عاملين عكس كل التوقعات.. متصدرين دوري.. نهائي الكونفدرالية.

بشير التابعى يشكر جون إدوارد على مجهوده مع الزمالك

وأضاف: المدرب الوطني ما ينفعش مع الأهلي والزمالك، أنا بشكر جون على اللي هو بيعمله ده مع الفريق.. بس لو الفريق ما أخدتش بطولة السنة دي يبقى كأنه معملش حاجة.. وأتمنى أبارك له على الدوري والكونفدرالية.

وتابع: أنا بالنسبة لي أتوج بالدوري أفضل بكتير من الكونفدرالية، وضع عماد النحاس غير معتمد جمال.. النحاس كان مؤقت ومعاه نجوم، لكن معتمد بينحت في كل حاجة ومش معاه إمكانيات رغم كده عامل كل ده.

واستطرد: طول عمر الزمالك مالوش ضهر، ناصر منسي لو رجله مقطوعة باللي بيعمله ده يبقى أجمد مهاجم في مصر برضو، وبلوم أحمد بلال على كلامه اللي قاله ضد ناصر منسي.

واختتم: مكونات بلال كان مهاجم كويس مع أن مكوناته الجسمية متقولش كده خالص، وكان لازم مجلس الزمالك يطلع يدافع عن ناصر منسي بعد هجوم أحمد بلال.