أبطال يهزمون النار.. ملحمة رجال المطافئ فى سنترال رمسيس.. فيديو

قدم تليفزيون اليوم السابع فيديو من إعدادوتقديم الزميلة خلود رفعت، سلطت الضوء فيه على الجهود المضنية لرجال الحماية المدنية بالقاهرة لمقاومة حريق سنترال رمسيس بمنطقة الأزبكية بوسط البلد، والذى استمر لأكثر من 18 ساعة .

روح بتنقذ روح وسط الحريق اللي كان شغال ودرجة الحرارة العالية، والدخان اللي كان مغطي السماء، والناس كانت بتجري وخايفة، في رجالة دخلوا في وسط النار كل همهم ينقذوا الموظفين اللي اتحبسوا جوا المبنى، ويطفوا النار، رجال الاطفاء والحماية المدنية دول أبطال حريق رمسيس الحقيقين اللي شغالين أكثر من 24 ساعة في صمت.

بعد ابلاغ غرفة عمليات النجدة عن حدوث حريق في سنترال رمسيس من الأهالي تم الدفع بحوالي 40 سيارة إطفاء لاخماد حريق رمسيس الضخم.

جيش من رجال الاطفاء شغالين كأنهم جسد واحد، و رغم ساعات الشغل المتواصلة، وتعرض بعض من رجال الحماية المدنية لحالات اختناق، إلا انهم كانوا مكملين، مجموعة بتسلم مجموعة عايزين حاجة واحدة: ينقذوا المبنى، يحموا الأرواح، وبعد الإخماد، استمرت محاولات تأمين المكان، تم فصل الكهرباء والغاز.

السوشيال ميديا كلها اتكلمت عنهم، الناس شافت بعينها مشاهد بطولية حقيقية، مش لقطات تمثيل، أبطال واقفين في قلب النار، بيسابقوا الزمن، وبيخاطروا بحياتهم، علشان غيرهم يعيش في أمان.