الخدمات ستعود اليوم.. مهندسو الاتصالات يسابقون الزمن لإعادة خدمات سنترال رمسيس.. فيديو

مقولة اللى إتكسر يتصلح بيثبتها الأن وعلى أرصفة سنترال رمسيس المهندسين الأبطال الذين يصلون الليل بالنهار لينهوا عملهم بإنشاء كابلات بديلة يتم توصيلها بالسنترالات المحيطة لإيجاد بديل مؤقت لسنترال رمسيس حتى تعود الخدمات ويستطيع المواطنون ممارسة حياتهم العادية.

المهندس محمد فرج يعمل أمام السنترال في الوصلات يقول: كان فيه تيم شغال من الساعة 3 ليلاً وإحنا إستلمنا منهم وبنبدل مع بعض عشان الشغل مايقفش ومش هانسيب أماكننا غير لما الخدمات ترجع زي الأول والحمد لله إحنا خلصنا نسبة 75% يعني قربنا نخلص.

من جهة قال المهندس باسم ممدوح:إحنا جايين من محافظات مختلفة أنا جاي من بنها وزمايلى جايين من الزقازيق ونقوم بكوابل الفيبر لكننا لن ننهي عملنا قبل أن تصل الخدمات للمواطنين حتى لو إشتغلنا لأسبوع متواصل.

المهندس أحمد محمد يعمل بلحام الكابلات الضوئية يقول: إستقبلنا كابلات من بعض السنترالات عشان نقدر نخلص وكل واحد بيقدر يعمل حاجة بيعملها عشان نقدر نرجع خدمات الاتصالات زي الأول، لكن وقت إنهاء عملنا ده مانعرفوش لكن كلنا مش هانقوم غير لما نخلص

فيما أكد أحد المهندسين: إحنا هانخلص النهاردة إن شاء الله لأننا كلنا شغالين مع بض فبالمعدل ده هانخلص النهاردة إن شاء الله.

جدير بالذكر أنه لليوم الثاني على التوالي لازالت معظم خدمات الإتصال للمكالمات والإنتر نت لا تعمل بكل كفائتها بعد حريق سنترال رمسيس والذى ظل مشتعلا طوال 24 ساعة حتى إنتهاء أفراد الحماية المدنية من السيطرة على الحريق وإنهاء عملية التبريد.