سامح حسين: الوفاء عند كل شعوب الأرض صفة لكن عند المصريين عقيدة

قال الفنان سامح حسين، خلال مشاركته في حفل عيد الفطر، إن هناك صفات متفردة في الشخصية المصرية لفت نظري منها عادة من عاداتنا الأصيلة في الأعياد إننا في كل عيد لازم نبقى حريصين نزور حبايبنا اللي فاروقنا نسلم عليهم وندعي لهم، وفي ناس بيستغربوا العادة دي ويقولوا على اللي بيعملوها إنهم مش بيعرفوا يفرحوا الناس، مؤكدا أن الناس دي لا تعرف ولا تفهم طباع المصريين.

وأضاف الفنان سامح حسين، خلال مشاركته في حفل عيد الفطر، بحضور الرئيس عبد الفتاح السيسي، "الوفاء عند كل شعوب الأرض صفة لكن عند المصريين عقيدة والعقيدة دي هي اللي بتخلينا في كل عيد لا ننسى إخواتنا الكبار شهداء بلادنا واحنا متجمعين النهاردة عشانهم مع ذويهم وأسرهم والمصريين عمرهم ما هينسوا اخواتهم الكبار عملوا ايه وقدموا ايه لبلدهم وأسرهم وابناءهم فوق رأسنا وفي عيننا كلينا من اول سيادة الرئيس حتى اصغر مواطن سنا".

واستكمل: "العقيدة دي هي اللى مخليانا متجمعين النهاردة وأسركم واهليكم فوق رأسنا وكل سنة ومصر قوية وعظيمة وحلوة أوي واحلى من قطايف الدنيا دي كلها، وعلى ذكر الوفاء عند المصريين لا يمكن ننسى اخواتنا في غزة اللي العيد السنة دي بيمر عليهم في ظروف صعبة اوي لكن لما نيجي نشوف احوالهم المعيشية نلاقيهم بيخلقوا أي فرصة عشان يعيشوا أجواء شهر رمضان والعيد معانا ويارب قبل العيد الجاي يعم السلام على اخواتنا في غزة وكل الشعوب العربية".