من دجلة إلى فرانكفورت.. مرموش يتحدث عن مسيرته مع صاحبة السعادة (إنفوجراف)

أكد عمر مرموش نجم منتخب مصر ونادي آينتراخت فرانكفورت، أنه تأسس كرويا في مصر وكان في ناشئي نادي وادي دجلة، ولعب بها حوالي 13 سنة، قائلا: "مصر عزيزة على قلبي ووقت طفولتي كنت في أكاديمية أرسنال وكنت بلعب فيها سنة أو سنتين، وبعدين سمح لى سني العب في ناشئ وادي دجلة".

وأضاف عمر مرموش، خلال حواره ببرنامج "صاحبة السعادة"، مع الإعلامية إسعاد يونس، أنه لعب كرة القدم في نفس الوقت ووصل للفريق الأول، والمدرب باتريس كارتيرون هو الذي صعده الفريق الأول وكانوا وقتها محتاجين لاعيبة وصعد الفريق الأول ولعب ماتشين.

مرموش

لعبت فى ناشئى وادى دجلة 13 سنة والمدرب كارتيرون صعدنى الفريق الأول

لعبت مع ميدو ودى كانت فترة من الفترات المهمة بالنسبة لى وده اللى وصلنى أكون هنا

أخويا وأختى كانوا دائما سند ليا كان بيتكلموا مع والدى علشان ألعب كورة

أهلى مهما شكرتهم مش هعرف أوفيهم حقهم ووقفوا جنبى فى كل المواقف

اتعرض عليا ألعب فى منتخب كندا لكن مصر هدفى وهى فى مكانة عالية

منتخب كندا كلمنى وعارفين إن عندى الجنسية والمدرب كلمنى شخصيا

تجربة الاحتراف مش سهلة وتعلمت اللغة الألمانية فى سنة واحدة

حققت أرقاما مع فرانكفورت وكنت على قدر المسئولية فى مركزى