نشر النجم أحمد السقا بوست من خلال صفحته الرسمية علي موقع الفيس بوك يمدح من خلاله صديقه النجم كريم عبد العزيز، حيث نشر صورة تجمعهما وصورة منفرده لكريم وعلق عليها قائلا " قاعد وصاحى بدرى ولقيت نفسى عايز أقول كلمه فى حق أجمل وأجدع صاحب قابلته ف حياتى من وإحنا عيال صغيرين انا كنت عايش ف شارع شهاب وهو عايش ف العجوزه والقدر ربطنا ببعض ومن يومها وإحنا اكتر من الأخوات وربنا يخلينا لبعض لأنه بجد راجل وجدع ومتربى وابن ناس وطول عمرنا ما بنقولش لبعض غير أزيك يا صاحبى".
احمد السقا
كريم عبد العزيز والسقا
وأضاف السقا قائلا " عامل ايه يا صاحبى… أو مبروك يا صاحبى… وحقك عليا انى أقولك ربنا يخليك ليا يا صاحبى…… صاحبى واخويا اللى بجد كريم عبد العزيز…..رقبتى ليك يا صاحبى…. كلمة حق فى حقك يا صاحبى……ملحوظه عشان الناس اللى بتصطاد ف الميه العكره دي الصوره اللى كريم كسب بيها جوى أورد وفى كل الحالات صاحبى ".
وعلي جانب آخر من حياة السقا وجهت الإعلامية مها الصغير، رسالة عبر برنامج "الستات مايعرفوش يكدبوا"، المذاع على قناة سي بي سي، على شائعة انفصالها عن النجم أحمد السقا، قائلة: "بلاش حد يحط كلام على لساني ماقولتهاش أو يستنتج ولو عندي حاجة عايز هقولها هقولها وبطلوا ترندات وهمية على حساب ناس شخصية وفي النهاية حصل خير".
وأوضحت مها الصغير، خلال تعليقها على الشائعة، أنها تحدثت في البرنامج يوم الأربعاء عن مشكلة اجتماعية في إطار عمل البرنامج وهي العلاقة الصحية بين الزوجين وسيقومون بتسليط الضوء على هذه الظاهرة، مضيفة: "قلت ده موضوع بنسلط عليه الضوء ولازم نشوف له حل واتاخد عليا الكلام وحديث عن انفصال".
وتابعت: "الحاجات الخاصة بفصلها عن العامة وحياتي الخاصة مش حابه تكون لعامة الناس وفي أولاد وأطفال وأصدقاء وزملاء، وممكن ناس تتأذي مش على موضوع الطلاق والزواج فقط ولكن في موضوعات اتقالت قبل كده عن تعب أحمد السقا والحاجات دي بتأذي أولادهم والخاص للخاص والعام للعام".
تم أضافة تعليقك سوف يظهر بعد المراجعة