تواصل "اليوم السابع" مع الطفل آدم أحمد سعيد وشهرته "آدم النحاس" ليتحدث عن دوره في المسلسل:
بحب أقلد المشاهد وبدأت وأنا 7 سنوات
في حديثه لـ اليوم السابع قال أدم: "اسمى آدم محمد سعيد النحاس عمري 12 سنة، طول الوقت كنت بمثل في البيت وبحب الأغاني وكنت بحب أقلد الأدوار الحلوة، ودائمًا بشوف نفسي فيها وبفرح جدًا في حالة تقليدي للمشهد بشكل صحيح، وأنا عمري 7 سنوات اشتركت في كور الأطفال في دارالأوبرا المصرية، وقع عليا الاختيار من قبل خالد جلال لأمثل مشهد صغير على المسرح قدام الرئيس عبد الفتاح السيسي في احتفالات أعياد ثورة ينايرعيد الشرطة المصرية.
مش أول مرة أقف قدام الكاميرا في لحظة غضب
وتابع: "بعد المشهد الأول تم اختياري مرة ثانية من قبل المخرج تيمور لبطولة إعلان وبعدها المنتجة مها سليم للمشاركة في مسلسل شبر ميه، ويقول: "الموضوع كله بالصدفة، كنت بحب التمثيل لكن كنت حاسس إني صغير، على الرغم من كده فرحت جدًا إني قابلت المخرج عبد العزير النجار مرة ثانية بعد حالة خاصة وحبيت في المسلسل ده أن الدور مختلف، أنا مش أول مرة أقف أمام الكاميرا في مسلسل لحظة غضب المذاع في رمضان، أنا بمثل من 5 سنوات عملت أدوار بحبها زي سمبا في شبرميه وعبد الكريم في نقل عام وآدم في خلي بالك من زيزي وعمر في جت سليمة وطبعًا نديم الصغير في حاله خاصة.
وعن كيفية التوفيق بين العمل والمذاكرة قال: "الموضوع صعب لكن دائمًا بيكون في تيسير في التصوير عن طريق أني بخلص تصوير بدري عشان في مذاكرة المواد الخاصة بالمدرسة، أيضًا بابا وماما دائمًا معايا وأنا بذاكر المشاهد، بقعد أمثل معاهم واتخيل إنهم الجهور والكاميرا وكل حاجة".
في ضحك كتير في الكواليس
أما عن كواليس مسلسل حالة غضب فقال: "الكواليس دائمًا بيكون كلها ضحك وهزار خصوصًا أن في ناس كتير بحبها في اللوكيشن زي فريق الإنتاج والإخراج عشان اشتغلنا مع بعض قبل كده في بقينا أصحاب وطبعا كنت مبسوط جدًا مع أستاذ محمد شاهين لأني بحب تمثيله جدًا في الكبير دور توماس وفي لا تراجع ولا استسلام وفي حاجات كتير فكنت مبسوط جدًا أني هشوفه ونشتغل سوا، وطبعًا صبا مبارك وسارة عبد الرحمن وكل الناس".
هادئ وبيحب يلعب كورة قدم
وتلتقط أميرة والدته الحديث قائلة: "عندي آدم ويحيي، آدم بيحب لعب الكرة بشكل كبير جدًا بيحب يلعب في المدرسة أو في النادي في وقت الفراغ وطبيعته هادئ وفي حاله لكنه متكلم ويجيد الحديث بشكل جيد".
آدم النحاس ممثل في حالة غضب
آدم النحاس
تم أضافة تعليقك سوف يظهر بعد المراجعة