ليلى زاهر: اهتمام هشام جمال بيا لفت نظرى وبداية مشاعرنا كانت فى لبنان

حل الفنان هشام جمال والفنانة ليلي أحمد زاهر، ضيفين في برنامج "صاحبة السعادة" للإعلامية إسعاد يونس، المذاع على قناة DMC، وتحدث هشام جمال عن علاقته بليلي زاهر قائلاً: "لو قعدنا نحلف لبعد بكرة مش هيصدقونا إن ما كانش في حاجة قبل كده".

وعن بداية نقطة تحول العلاقة والمشاعر قال هشام جمال: "حسينا ببعض في نفس الوقت كانت في سفرية سافرناها إلى لبنان وكان معاها والدها ووالدتها وأنا بالصدفة كان معايا والدتى وأخويا عشان علاج ليها".

وأضاف هشام جمال: "بعد المسلسل قعدنا كتير بنتكلم قليل جدا، وهى كانت بتعمل أغانى ومكلمتنيش إنى أعملها أغنية، ولكن كانت بتاخد رأيى، وفى مرة بعتتلى أغنية اللى هي كلمة أخيرة، فعجبتنى أوى، فقلتلها أنا هاخرجها ليكي، وسافرنا لبنان وصورناها هناك".

وتابع: "العائلتين كانوا شبه موجودين مع بعض وكنا رايحين في وقت رأس السنة، وخرجنا كعائلتين وده مش بيحصل في الواقع عندنا، والأمور بدأت تاخد شكل تانى بالنسبة ليا، وأقول البنت دى بتمثل كل حاجة إيجابية، سواء حب أو إنها رقيقة ولذيذة وأدب وتربية وكل المعطيات الحلوة، فحسيت في الوقت ده بمشاعر ناحيتها".

وقالت ليلي زاهر: "أنا شفت اهتمامه، لما لقيته سايب كل حاجة وقال لى هعملك الأغنية، وكان مهتم يطلعنى بأحسن صورة فيا، ولما بدأ الموضوع يكون واضح وإنه مركز معايا أوى وواخد باله منى، وكل اللى عمله لفت نظرى وده حرك عندى حاجات، ومن ضمن الحاجات اللى شدتنى لهشام إنى أنا دايما بكون مطمنة وهو موجود زى ما والدى مصدر الأمان بالنسبة ليا".

وتفاجأ محبو الفنانة ليلى أحمد زاهر بخطوبتها على الفنان والمنتج هشام جمال، بعدما اجتمع المشاهدون حول قصة حبهما وزواجهما فى إطار درامى كوميدى من خلال مسلسل "فى بيتنا روبوت"، وهو ما جعل وجود علاقة رسمية بينهما يبدو أمرا مألوفا للجمهور، ويبدو أن علاقة الصداقة والعمل جعلتهما قريبين من بعضهما حتى نشأت قصة الحب التى أعلنت رسميا أمس.

ليلي زاهر وهشام جمال

 

 

ليلي زاهر وهشام جمال مع إسعاد يونس

إسعاد يونس وليلي زاهر وهشام جمال

ليلي زاهر وهشام جمال مع صاحبة السعادة

ليلي زاهر وهشام جمال