دافعت الفنانة فريدة سيف النصر عن ما أسمته بـ "أفلام المقاولات" قائلة: "عملت بطولات كبيرة وبطولات كوميدية واسمي كان قبل أي حد، وكانوا بيقولوا عنها أفلام مقاولات وأنا أرفض بشدة هذه التسميات وأتحدى الجماعة إللى بيعملوا أفلام دلوقتي يجيبوا فنانين زي بتوع زمان".
واستطردت خلال لقاء عبر "برنامج " كلمة أخيرة " الذي تقدمه الإعلامية لميس الحديدي على شاشة ON :" "-مش ذنبي أني كبيرة ومصطلح "أفلام المقاولات" ابتدع لهدم هؤلاء الفنانين زي سمير غانم وغيره، وأنا بقول للي بيقولوا أفلام مقاولات هاتو ظفر سمير غانم.
وعن أقرب الأدوار لقلبها قالت: "أحلى دور بحبه وعامل علامة جه في قلبي سأختاره، وهو مسلسل "بدون ذكر أسماء للكاتب وحيد حامد كان بيحارب عشان أنا ماعملش الشغل ده، وجاء المخرج تامر محسن وكانت أولى تجاربه الإخراجية وأصر على الوقوف بجانبي ."
وكشفت أنها تعرضت للمحاربة من نجمات كبار في مسيرتها الفنية قائلة: "إتشلت من أفلام لنجمات كبار بحجة أن فريدة جميلة إزاي البطل هيسبها عشان يبقى معايا؟
