قالت الفنانة لبنى ونس، إن عودتها إلى الساحة الفنية بعد فترة الغياب التي غابت فيها، تطلبت منها أن تفكر بشكل مختلف، فقررت أن تنسى من هي وماذا قدمت، وبدأت من الصفر.
وأضافت خلال مداخلة ببرنامج "التاسعة" الذي يذاع على القناة الأولى المصرية: "بدأت من مكاتب الكاستينج، ولفيت على كل المكاتب كأني ببدأ من الصفر، وأنا سعيد وربنا كرمني الحمد لله".
وقالت: "عملنا بروفات، لأن دي طبيعة المخرج محمد سامي، علشان ينقل لكل واحد في المسلسل وجهة نظره اللي عاوز يقدمها في العمل الفني، ويكون في كيميا بين الممثلين وبعضهم، بحيث منتفاجئش ببعض في اللوكيشن، وهو من القلائل اللي بيعملوا كدة دلوقتي".
وتابعت: "محمد سامي كلمني عن الدور، وقالي إنه دور مهم جدا لأنه في عصب الدراما، وأداني كل ملامحه، وأنا ذاكرت على قدر المعطيات اللي أدهاني، اتفاجئت بمشهد الفلاش باك في مسلسل جعفر العمدة، وقولتله هنعمل ايه، قالي أنا هتصرف، وحقيقي هو مبدع وبيحب الممثل أوي".
تم أضافة تعليقك سوف يظهر بعد المراجعة