لا تزال أزمة شيرين عبد الوهاب وطليقها حسام حبيب، تشغل بال الجمهور، خصوصا بعدما تجددت مرة أخرى خلال الأسبوع الماضى، وتطورت الاختلافات للوصول إلى قسم الشرطة، والقبض على حسام حبيب، واتهامه بسب وقذف شيرين، وحيازة سلاح نارى بدون ترخيص، قبل أن يتم إخلاء سبيله بكفالة مالية 10 آلاف جنيه، وبعد اختفاء أيام طويلة منذ اشتعال الأزمة، قررت شيرين الخروج للرد على أسئلة جمهورها عبر حسابها على إنستجرام.
وسألها البعض "انتى حقيقى رجعتى لحسام؟ لترد: "أساس الجواز والطلاق الإشهار لو كنت رجعت كنت هقول"، فيما سألها آخرون يعنى إيه راجل؟ وردت: "راجل هو اللى تحسيه وهو فى حضنك ابنك واللى تحسيه وانتى خايفة أبوكى واللى تحسيه فى الدنيا هو الظهر والسند".
فيما سألت واحدة من جمهورها: انتى رجعتى لحسام وحامل ومش عايزة تقولى، بتعملى دعاية للألبوم بتاعك أنا مصدومة فيكى؟ لترد قائلة: "يا بسمة ربنا يهديكى أنا ليه أعمل كل ده فى السر"، أيضًا سألتها أخرى ممكن تتجوزى تانى؟ وردت: "فى الوقت اللى بتسأل فيه ده أكيد هقول لأ".
