قالت بسنت رضا ابنة الفنانة الكبيرة هند رستم، مازحة عن حب أمها للكلاب، إن والدتها كانت تحبهم أكثر منها.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "أمي كانت بتحب الكلاب أوي، وكان عندنا كلبتين، والكلبتين خلفوا في وقت واحد، وجابوا مجموعة كلاب صغيرة، الكلاب الصغيرة كبرت وبقى عددهم كبير، وكانوا بيجروا ورا بعض والبيت كان فيه 25 كلب".
وذكرت: "أنا محتفظة بفساتين هند رستم من سنة 1950، أكتر من 70 سنة تقريبا، والكواليتي بتاعهم عظيم، وهي عندنا فستان من قشر السمك، مش بلاستيك، ومعظم لبسها كدة".
وتابعت: "الناس برة لحد دلوقتي عندهم هند رستم رقم 1، بيبعتولي لحد انهاردة علشانها، وهي كانت صديقة الكل، ما عدا اتنين بس، فاتن حمامة وتحية كاريوكا".
تم أضافة تعليقك سوف يظهر بعد المراجعة