قالت بسنت رضا ابنة الفنانة الكبيرة هند رستم، إن منافسات والدتها في الشكل وأدوار الإغراء وفقا للأدوار الفنية التي كانت تُعرض عليهم، كانت الفنانة هدى سلطان، والفنانة برلانتي عبد الحميد.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "هما كمان كان لهم أفلام فيها إغراء، ولكن كانت فترة قلق شوية، فكان بيتم إطلاق لقب على كل فنان، والموضوع ده حصل فيه مشاكل، هي زعلت لأنهم أعطوا فاتن حمامة لقب سيدة الشاشة العربية، وهند رستم ملكة الإغراء، وهناك كان يوجد خلاف كبير، هي كانت بتقدر تعمل كل الأدوار".
وقالت: "اللي شجعها على الاعتزال، لما خلفت ابني، فعجبها جو الأسرة، وكانت مقررة تعويض السنين اللي فاتت كلها مع بنتها وحفيدها، شافت في حاجة زي دي سعادتها، ومكنش في أدوار تشجعها على استكمال مسيرة الفن".
وتابعت: "كانت عاوز تروح لدكتور، لأنها كان عندها هوس إنها هيجيلها سرطان، وراحت للدكتور وسبحان الله اتجوزت الدكتور، وفضلوا مع بعض 50 سنة، كانوا بيحبوا بعض أوي، والسبب في كدة كانت المعاملة، وماما دي كانت عاملة زي أمينة في البيت".
تم أضافة تعليقك سوف يظهر بعد المراجعة