قال أحمد الجزار، المعروف بجزار السعادة، "معاملة الراجل تختلف عن الست فى البيع والشراء، الراجل مايبقاش عارف كويس عن اللحمة زى الست لانها بتكون فاهمة، وانا لما بيجيلى راجل يشترى بعرف منه الاول هو عايز اللحمة يعمل بيها ايه وبقوله على حتة اللحمة اللى تنفعه مثلا للطبيخ أو الشوى أو الفتة".
وتابع، "الجزار لازم يكون عنده حرفه فى البيع والشراء ويملك اعصابه كمان، انا فى واحدة ست ضربتني باللحمة فى وشى علشان اتأخرت عليها فى البيع مع ذلك اعتذرتلها، ولما ست تقولى عايزة مثلا حتة لحمة للفتة بديها حته من سن العجل، لان فى ناس كتير بتعمل الفتة باى حتة لحمة وخلاص".
واستطرد، "مش اى حته فى العجل تنفع للشوى فى حتت معينة، والست اللى بتاخد منى اللحمة السن جوزها ميطلقهاش ابدا، واللحمة السودانى بتفرق المتجوزين لانها بتقعد غلى النار حوالى ٧ ساعات ".
واستكمل،"العجل الذكر بيختلف عن الانثى فى الطعم طبعا، والأكيل فى اللحمة بياخد الموزة اللى هى فياجرا الجزارين، انا العكاوى فا انا بطمع فيها واخدها البيت كلها بروتين".
