منذ طرحها للمرة الأولى فى 24 نوفمبر الماضى، انتشر مهرجان شيماء على نطاق واسع عبر منصات التواصل الاجتماعى، على مدار الأيام الماضية، وتجاوت مشاهدات الأغنية على موقع يوتيوب 8 ملايين مشاهدة، وبالرغم من انتشار الأغنية إلا أنها لاقت ردود فعل متباينة بين مؤيد ومعارض، إلا أنها كانت سببًا فى "صداع" لكل من تحمل اسم "شيماء"، لذا سألنا عددا من الفتيات اللائى يحملن الاسم عن رد فعلهن بعد أن تحول اسمهن لتريند.
اتغنى لـ ليلى.. اشمعنى شيماء؟
قالت شيماء جمال 33 سنة فى حديثها لـ اليوم السابع وهى خريجة كلية آداب بجامعة القاهرة: "والله فرحت أول مرة حد يغنى لاسم شيماء" واستطردت ضاحكة "لكن فعلا اللى يغنى لليلى واللى يغنى لمعرفش مين وناسين شيماء خالص اكمنوا يعنى اسم قديم؟ الأغنية فعلا هابطة بس مضحكة وظريفة واسم شيماء فعلا محدش غناله خالص".
تريند مضحك بس أوفر
أما شيماء رمضان 35 سنة "متزوجة" فقالت: الموضوع مفرح ومضحك بس مش فكل حالاته، لأن الأغنية سببتلى ولكل اللى اسمهم شيماء تنمر كبير وخصوصا لما شيماء فى الآخر طلعت "بطة"، ودا اللى مزعلنى الحقيقة لإنه سمح بالتنمر علينا، لكن أغلب التنمر بيكون على فيس بوك أما بين أسرتى مفيش تنمر عليا بالعكس أولادى فرحانين بيها أوى وبيغنوها لى على طول بحب وفرحة.
فيما قالت شيماء محمد "موظفة بشركة مقاولات": "أنا قربت أكره اسمى بسبب المهرجان دا كل يوم رسالة بفيديو شكل على نفس الأغنية ورخامة طول الوقت من الناس بسببها".
اسمي شيماء للأسف
أما شيماء إبراهيم 38 سنة "كاتبة"، قالت: اسمى شيماء للأسف، وكرهت اسمى الفترة دى وبفكر أغيره بعيد عن الهزار والضحك وإن أصحابى كلهم عملولى منشن على أغنية البطة "شيماااااء"، وبصراحة منزعجة من انتشار الإسفاف دا، أنا أم لطفلة عندها 11 سنة كل شوية تقولى "شيمااااااء جاااجااااا" فإحنا بنعلم ولادنا إيه؟".
كليب شيماء
تم أضافة تعليقك سوف يظهر بعد المراجعة