شجرة قابلة للأكل
تحدث هاجر صفوت خريجة كلية التجارة الخارجية، عن اتجاهها لتصميم شجرة عيد الميلاد أو رأس السنة من خبز "الكيزر"، حيث قالت لـ" اليوم السابع":" أنا بعد ما خلصت الجامعة وأتجوزت ربنا رزقنى ببنتى تمارا، عندها سنة ونص، فضلت أقعد معاها وأربيها عشان كده ما دورتش على شغل، ومع الوقت حسيت بالملل ففكرت فى عمل مشروع عن تحضير وجبات إفطار بشكل مميز، والفكرة دى استوحيتها من أختى اللى عايشة فى السعودية، لأن فكرة الإفطار منتشرة عندهم وباقى دول الخليج، عن مصر".
صممت هاجر شجرة رأس السنة من ساندويتشات عبارة عن خبز "كيزر" المحشو بقطع الجبنة الرومى واللانشون، وزينت الشجرة بملصقات لسانتا كلوز، وأضافت وردتين أعلى الشجرة، التى لقت إعجاب كبير من الناس، وتحدثت عنها هاجر قائلة:"فكرت فى شجرة الساندويتش عشان تكون هدية مميزة لحد بنحبه ومعظم اللي بيطلبها منى بتكون لأصدقائهم".
تشعر هاجر بالسعادة فى عملها الذى لم تجد به صعوبة، فهو بمثابة شىء يساعدها على قضاء وقت فراغها بجانب إنه يساعدها على رعاية طفلتها فى المنزل، كما تحلم بأن تصبح وجبات إفطارها منتشرة حول العالم، حيث قالت :"نفسى مشروعي ينتشر فى مصر كلها ويكون ليا محل له فروع فى أنحاء الجمهورية".
شجرة الساندويتشات
مكونات الشجرة
تم أضافة تعليقك سوف يظهر بعد المراجعة