بوكيه كحك
بوكيه
تحدثت منى نافع، التى درست مجال الحاسبات والمعلومات، وتعمل شيف، لـ"اليوم السابع"، عن ابتكاراتها المختلفة للأطعمة، حيث قالت: "أنا عايشة فى السعودية وبحكم القاعدة كتير فى البيت، حسيت بالملل ففكرت أدخل المطبخ وأجرب أصناف جديدة وأبتكر وصفات سواء حلو أو حادق، بس حبيت مجال الحلويات أكتر، وعملت جروب من 4 سنين، وفكرة ساندويتش الأيس كريم بدأت لما زبونة كانت محتاجة أوردر حلويات ومعجنات، وفى وسط الكلام ضحكت وقالت يا سلام لو يبقى بسكويت أيس كريم أصل جوزى بيعشقه، ومن هنا بدأت الفكرة واشتغلت عليها واشتريت ماكينة البسكويت وعملته بيتى 100%، وحشيته عجينة حلوة وجبنة مالحة وحشيته حلو ومالح، والحلو كان بسبوسة وكيك وشيكولاتة، وحشيت واحد تانى بالسجق والكفتة مع جبنة الموتزاريلا والخس".
بيتى فور
تورتة الأكلير
تابعت: "الساندويتشات عجبت الناس جداً، وده شجعنى أعمل حاجات تانية زى الكحك بنكهات مختلفة، وبقى يطلب داخل السعودية، وحتى اللى فى مصر بقوا يطلبوه مع قرايبهم اللى نازلين، وقدمته بطعم الفستق وطعم كيندر والقهوة السينايون واللوتس وتشيز كيك، وعملت بيتى فور بطعم القهوة ونكهات تانية، وتشير كيك على شكل أيس كريم وبوكيه من السابليه والكحك والبتى فور، وتورتة الأكلير على هيئة أرقام".
سابليه
ساندويتشات الأيس كريم
واجهت "منى" العديد من الصعوبات فى عملها بمجال الطهى، والتى تحدثت عنها قائلة: "قابلتنى صعوبات كتير جداً، منها إنى اتحاربت من ناس كتير حاولوا يوقعونى، لكن مقدروش لأنى مؤمنة بنفسى وبعمل الحاجة اللى بحبها، وقدرت أعمل وصفات خاصة بيا أنا مش بقلد حد".
ساندويتشات ببسكويت الأيس كريم
تحلم "منى" بتحقيق المزيد من أحلامها والتى تحدثت عنها قائلة: "نفسى إن شاء الله يبقى عندى براند كبير باسمى وأكون شيف مشهورة وعندى سلسلة محلات فى مصر وكل الدول العربية لأنى من عشاق البلاد العربية واللغة العربية بكل لهجاتها".
عمل منى نافع
كحك
تم أضافة تعليقك سوف يظهر بعد المراجعة