أكرم القصاص

فول المصريين العظيم.. آخر اختراعات أحفاد الفراعنة "آيس كريم بروتين" بالمدمس

الأربعاء، 13 أكتوبر 2021 07:12 م
فول المصريين العظيم.. آخر اختراعات أحفاد الفراعنة "آيس كريم بروتين" بالمدمس آيس كريم بالفول
محمد فتحى عبد الغفار

مشاركة

اضف تعليقاً واقرأ تعليقات القراء
أحمد بندارى "ابن الإسماعيلية البار"، أشطر مهندس وأجمد بائع آيس كريم في الإسماعيلية، الصبح شغال مهندس مدنى بيحفر أنفاق ولما بيخلص بيروح على عربية الآيس كريم بتاعته وبيعمل اختراع الكوتش ايس كريم فول وايس كريم سيريلاك وحاجات تانية كتيرة .
 
 
ويقول "بندارى"، "انا شغال في مشاريع قومية في البلد وبعد ما بخلص شغلى باجى هنا على المكان ده اللى بدأت منه حياتى وانا في الجامعة، لانى فتحت المشروع ده وانا في الجامعة ولما خلصت قررت اكمل فيه وده شغل جانبي جنب شغلى".
 
وتابع، "انا ببتكر في الايس كريم وبدخل عليه أنواع جديدة من حيث الطعم، وعملت ايس كريم بزبدة الفول وعليها اقبال كبير جدا وطعمها لذيذ، وفى كمان ايس كريم سيريلاك وايس كريم بيدمر الرجيم والاقبال عليه من لاعيبة الجيم بس".
 
واردف، "انا فخور باللى بعمله، الحمد لله انا مهندس شاطر في شغلى بس ايه اللى يمنع انى أكون شاطر كمان في حاجة تانية بحبها، انا فاتح المكان ده ومعايا طلبة جامعيين بيصرفوا على نفسهم من الايس كريم ".
 
واستكمل، "عمرى ما شوفت اللى بعمله عيب لانى مش بعمل حاجة حرام، ولازم نتخلص من عقدة الخواجة اللى جوانا، في ناس بتقول انت مهندس وشغال بتاع ايس كريم اقولهم لاء انا مهندس وشغال مهندس والايس كريم هواية بعشقها وبحبها وبكسب منها ومش بتكسف انى واقف على عربية ايس كريم".
 
 

مشاركة

اضف تعليقاً واقرأ تعليقات القراء



لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة