وقت الشدائد يظهر الرجال تجدهم على طول شاطئ كورنيش البحر فى الإسكندرية، مجموعة من الأصدقاء أطلقوا مبادرة لتوصيل المواطنين إلى بيوتهم قبل أوقات الحظر، وفقا للقرار الذى أصدرته الحكومة مؤخرة للحد من انتشار فيروس كورونا المستجد، حيث كتب أحدهم على إحدى صفحات مواقع التواصل الاجتماعي فيس بوك" لو انت مروح من الشغل والدنيا زحمة ومفيش مواصلات ودخل عليك وقت الحظر رن علينا نيجي ناخدك نوصلك لحد بيتك بالاسكوتر بتاعي انا والرجالة دي بدون مقابل كده احنا هنلف وناخد الناس على السكة والمقابل دعوة حلوة من القلب".
شباب اسكندرية
مبادرة شباب الإسكندرية
ما يقرب من 15 شاب من بينهم فتاتين تقومان بتوصيل الفتيات، اختلفت أعمار الشباب بداية من 18 إلى 45 عامًا جميعهم يملكون "اسكوتر"، لاقت المبادرة انتشارًا واسًعا داخل أحياء الأسكندرية فور إطلاقها.
"لازم نساعد بلادنا ونقدم الخير في أي لحظة" بهذه العبارة بدأ حديث محمد أحمد وشهرته "أبو كامل" صاحب محل ملابس وهو من أطلق المبادرة، وأضاف لـ"اليوم السابع" حين أعلنت الحكومة الحظر وجدنا ازدحام كثير داخل الشوارع وكان علينا أن نفعل شيء نؤجر عليه من الله عز وجل، فجاءت الفكرة في ذهنى وعرضتها على الأصدقاء ولاقت اعجابهم وحماسهم، وخاصة أننا كنا نفعل ذلك كل بمفرده فلماذا لا نفعله كمجموعة، علمًا بأننا كنا نتقابل يوما في الأسبوع نتنزه بالاسكوتر على الكورنيش، فهذه بمثابة نزهة ولكن في عمل خيرى.
شباب اسكندرية
المبادرة لاقت انتشار واسع في الشارع السكندرى
وتابع"أبو كامل " قائلًا" في 4 أدمن للمجموعة أصحاب الأرقام اللي اتنشرت، الأدمن بيقول على المشوار وأنا بقسم الشباب حسب مكانهم، بنبدأ من الساعة 4 عصرًا بعد كل واحد ميخلص شغله وحتى 7 وقت الحظر، الناس بتبقي كتيرة جدًا والشوارع زحمة، بناخد الناس على خط الكورنيش رايح جاى بداية من العصافرة وسيدى بشر وميامي وسان استيفانو وبحرى، بنقرب المسافة للناس لكن ما بندخلش جوه الشوارع إلا للضرورة، حد مسن أو مريض".
شباب اسكندرية
الدعوة من القلب بتفتح الأبواب المغلقة
وأكمل صاحب المبادرة حديثه لليوم السابع" ناس كتير اتصلت علينا عشان نوصلهم، التيلفون مش بيبطل رن طول اليوم، سواء رجال أو نساء، كان لازم نعمل كده لما نشوف البلد محتاجة المساعدة، في ناس كتير بتتأخر في شغلها بيتصلوا علينا عشان نروح نجيبهم ونروحهم بيوتهم، واجمل حاجة دعوة من قلب حد كان في أزمة وربنا فرجها عليه والأجمل أنك تكون سبب لحل أزمته، وأجمل دعوة لما تسمع كلمة الله يبارك لك ويسترها معاك، دعوات كتير جدًا بتتقال من الناس وخصوصًا المسنين فعلًا بتسعدنا وتحس أن الدنيا مشيت معاك واتيسرت أمورك".
شباب اسكندرية
خفة الدم المصرية حتى في الازمات
وتابع أبو كامل:" في ناس كتير بتتصل بيا بس عشان تدعى لنا، وفى مواقف كتير مضحكة، زى مثلًا واحدة من أمهاتنا المسنين اتصلت عاوزانى أجيب سباك يصلح السخان، فقلتها وفهمتها أن دى مش شغلتى وفهمتها أنا بعمل إيه بالضبط قعدت تدعيلي، وواحدة تانية كانت عاوزة سندوتشات كبدة، دى أطرف المواقف إللى حصلت معايا وطبعًا مش بزعل بالعكس دى مواقف طريفة بيتسعدنا ولما بنفتكرها بنضحك".
وعن المعوقات قال"أبو كامل": ما يعوق مبادرتنا هو الخوف من أي شخص يمكن أن يستخدمها خطأ، سواء في سرقة الاسكوتر أو صاحبه، خاصة قلقنا على البنات، ولكن ما يطمئننا هو أن ما نفعله خير، أما عن الوقاية فنحن جميعًا نقوم بالتعقيم كل رحلة ومرتدين الكمامة، معانا المطهر لا يفارقنا.
شباب اسكندرية
أهل الخير كتير
وأكمل أبو كامل حديثه" الخير لسه موجود في ناس كتير اتصلوا علينا عشان يساعدونا ويشاركوا معانا بعربياتهم في توصيل المواطنين قبل الحظر، وكمان في شركات تأجير سيارات عاوزين يعملوا أبلكيشن، وكما في شركات زيوت عاوزة تبعت لنا زيت الاسكوتر مجانا لنا كلنا، أهل الخير كتير".
وأما "بوسي " إحدى فتيات المبادرة والتي تقوم بتوصيل البنات والسيدات بالاسكوتر الخاص بها إلى بيوتهم قبل الحظر فقالت: اعجبت بالفكرة جدًا، فأنا أعمل في مجال التطوع الخيرى منذ فترة طويلة وهذه المبادرة أضافت لي الكثير، فالعمل الخيرى وقت الأزمة له طعم أخر، وما يكفينا هو الدعوة الحلوة التي تفتح لنا الأبواب المغلقة.
شنط الاغذية
شباب اسكندرية
ضباط الشرطة تساعد في المبادرة
ويقول عبد الحميد السبعاوى خريج كلية الترسانة البحرية ويعمل ديلفيرى فقال:عندما سمعت بالمبادرة صمتت أن أكون احد أفرادها، خاصة وأنا كنت افعل ذلك قبل الحظر حيث كنت أقوم بتوصيل كبار السن لأماكنهم، أجمل ما في المبادرة عمل الخير والدعوة الحلوة التي بنسمعها بعد التوصيل".
وتابع عبد الحميد: كثير من ضباط الشرطة يقومون بمساعدتنا وطمأنتنا، وقال" الخوف ما بنحسش به بقوة لأننا بنعمل خير وإللى ممكن يأذينا في الظروف دى بيكون انسان جاحد، وعلى الرغم من كل شيئ في ناس كتير بتتصل بينا بس عشان تشكرنا وتدعيلنا".
اثناء توزيع الشنط
شنط المواد الغذائية قبل توزيعها
شنط الأغذية
شباب اسكندرية
تم أضافة تعليقك سوف يظهر بعد المراجعة