انا أهلاوى و بقول ان نادى الزمالك تاريخ عريق لا ينكره أحد طبعا و البطوله فاز بيها الزمالك و مليون مبروك ليه لأن أكيد الرياضه مكسب و خسارة ....
لازم تعرف حاجه مهمه أوى
انت بتمثل نادى الزمالك بعراقته
و بتمثل الكرة المصرية بتاريخها
و بتمثل قدوة للشباب لانك نجم فى مجالك
و بتمثل مصر أمام العالم كله اللى بيشاهد هذه المباراة
سيبك من كل ده ..... انت قدوة لابنك اللى مش حيشوف حد أحسن منك و بيبقى عايز يقلدك لانه بيفتخر بيك قدام صحابه و قدام الدنيا كلها ....
عيب لما بعد تاريخك ده تعمل حركة زى دى قدام العالم و قدام نساء و أطفال بيتفرجوا عليك و بيحبوك ... عيب لما تشوه الصوره الجميله للرياضى قدامهم ....
حتقول لابنك ايه لما يقولك ايه الحركة دى يا بابا
صحيح كلنا بشر و بنقع تحت ضغوطات مختلفه و ممكن يصدر مننا ردود فعل غير مقبوله أحيانا ... لكن
انك تكون نجم و الأنظار كلها عليك دى ليها مسئوليه مختلفه
الشهرة ليها مسئوليات و متطلبات معينه لأن كل حركة او كلمه أو تصرف محسوب عليك و النجم مش بيمثل نفسه بس ... لكن بيمثل بلد و كيان و جيل بحاله لأن النجومية مسئوليه خصوصا انك نجم رياضى و الرياضة أخلاق
فلازم تبقى قد المسئوليه دى وتتحكم فى تصرفاتك انت ما تقدرش تتحكم فى الآخرين لكن تقدر تتحكم بنفسك.
الكلام ده لكل أهلاوى أو زملكاوى أو أى شخصية تمثل بلدها تحت أى مسمى ....
كل التقدير ليك وللنادى الزمالك العريق و لولا ان احنا بنحبك ما كنتش كتبت الكلام ده لأنى ما أحبش أشوفك بشكل يسىء ليك و لناديك العريق و لا لبلدك.
ربنايهدينا و يهديك و يوفقك و يصلح حالنا و حالك دايما يا رب .
النجومية مسئولية مش شهره و عنجهية .
تم أضافة تعليقك سوف يظهر بعد المراجعة