فلاح يعمل فى أرضه
مشاركة
م الفجرية قام بدري
عشان يجري يشوف عيشه
ماشي ف الطريق دوغري
عشان يِطعمكوا وتعيشوا
فاسه سلاح .. فـ أرضه براح
ف كل صباح ... يناديكـــــــوا
ف برد وحر .. ساعاته تِمُر
بيغزل بُر .... لِعينكـــــــوا
ووسط سنين .. مابين الطين
قليل وضنين ...يِلاقيكـــوا
حلمهُ دُهور .. يعيش مستور
يشوف النور ... حَواليكـــوا
حياته طيور ... تقاوي بذور
وزرع شهور .... لِواديكــــوا
حصاده الخير .. ف طول مشوار
همه كبير .... يراضيكـــوا
مِراعي الناس .... بقلبه الماس
وزرعُه أساس ... بيرويكـــــوا
مشاركة
تم أضافة تعليقك سوف يظهر بعد المراجعة