نصر فتحى اللوزى يكتب: صبح الصباح

صبح الصباح علينا قلنا يا فتـاح   مــصر غالية مهما زادت الجراح

المشوار طويل يا بلدى لا ركوع    كل خسـيـس مصيره الانبـطاح

ولادك حصن الكرامة سهرانين   شايلين  أعمارهم حى على الفـلاح

بدلة شهيدنا علم كفن بدم طاهر   زغرودة الام فرحة تبديل النـواح

يوم وداعه تاج فوق علم بلادى   حبها نهر قلوبنا فيه شراع مـلاح

كل نقطة دم كل جرح وكل روح   قمر بـلادى بكل وادى نور وضاح

أرضك يا بلدى فى قلوبنا كرامه   كل طامع صوته نواح

لا فاهم للإيمان رسالة انسانية   والحرام بفتوى جهله لنفسه مـباح

هم خوارج العصر ارهاب غباء   دمهم على أرض بلدى عفن وقاح

تصرخ ارض بلادى من نجاسة   دم غادر كافر بكل دين كفرا بواح

قتلاهم فى نار جهنم مع السعير   كل شهيد من ولادنا بالجنة صداح

كل واحد كفنه شايله مهما كان   مكـتوب عليه عزتك نور كل صباح

بكره طهارة بلادى رمل ينادى   كل نقطـة دم كل روح لمصر وشاح

صبح الصباح علينا قلنا يا فتاح   مصر سيف على كل فسـاد اصلاح