شخص حزين
مشاركة
مفيش بَركة
فين الضمير راح فين
والقسوة اللى فينا منين
كل واحد إيده فى جيب غيره
مفيش بركة وهتيجى منين
لا الكيلو ألف جرام
ولا المتر 100 سنتى
لا الغنى بينام
ولا الفقير مرضى
لا الأستاذ بيعلم
ولا الطبيب بيداوى
الأيادى بتسلم
والكل بقى حاوى
بنشقى ونضحّى
والأكل مش صحّى
مفيش خلاص بركة
ولا حاجة بتكفى
فى ناس كتير لسّه
قلوبها فيها الخير
بغيرها يا ناس حاسّة
وعايشة عشان الغير
الخير هيفضل فينا
لو كنا حتى بعاد
يا رب عافينا
دا لكل عُمر ميعاد
مشاركة
تم أضافة تعليقك سوف يظهر بعد المراجعة