طفلة 14 عاما تشارك صحافة المواطن بموهبتها فى الرسم.. ولقبها الفنانة بالمدرسة

شاركت القارئة حبيبة شعبان إبراهيم البالغة من العمر 14 سنة من أهالى شارع العشرين عين شمس بمحافظة القاهرة صحافة المواطن بموهبتها فى الرسم.

وقالت القارئة:  "بدأت أرسم وأنا عندي 7 سنوات واكتشفت كدا من المدرسين، الأول كنت بشوف فيديوهات رسم علي النت وبدأت بالكرتون والإنمي، بعد كدا شوفت فيديوهات لرسم البورتريه فعجبني وقولت اتجه لكدا، كنت بتدرب علي رسم الملامح كتير وكنت بدخل مسابقات علي جروبات أون لاين وكنت باخد مراكز" .

وأضافت القارئة: "دخلت مسابقتين كانوا مبنين على التصويت وأخدت فيهم المركز الأول وأخدت شهادة وجائزة، ومن سنتين في بنت علمتني أساسيات الرسم وطريقة استخدام الفحم وتدربت على كدا ووصلت للمستوي دا، وكانت عايزاني اشتغل معاها في الموضوع دا، ودلوقتي أنا مشهورة فى المدرسة باسم الفنانة ونزلي فيديو برسوماتي في صفحة المدرسة وبحاول أساعد أصحابي في إنهم يتعلموا الرسم وأي حد بيعوز حاجة بيسألني".

وتابعت: "أنا عايزة أجرب أرسم بكل الخامات مهما كانت صعبة، وحلمي إن الناس تهتم بالرسم أكتر وبأي شغل بالإيد وإن رسمي يوصل لناس كتيرة وعايزة أحقق حاجة في سن صغيرة، وأهلي وأصحابي والمدرسين بيشجعوني جدا".

إحدى رسومات القارئة (1)

إحدى رسومات القارئة (2)

إحدى رسومات القارئة (3)

إحدى رسومات القارئة (4)

إحدى رسومات القارئة (5)

إحدى رسومات القارئة (6)

إحدى رسومات القارئة (7)

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.