وقال القارئ فى رسالته: "أرجو إلقاء الضوء على مشاكل مرضى الغسيل الكلوى، مستشفى الزقازيق العام له وحدة ملحقة بالمستشفى اسمها (وحدة قرية الغار) للغسيل الكلوى، فى محافظة الشرقية، المرضى بتوع الشفت الأول مطلوب منهم يحضرو الماكينات ويفرشوا المستلزمات، ويجيبوا محلول البيكارب الخاص بالغسيل اللى بيكون فى غسالة ملابس ويجهزوا الجراكن جنب الماكينات كل ده قبل الساعة 6 صباحا، يعنى المريض بيركب لنفسه كل حاجة".
وتسائل القارئ: "أولا إزاى المحلول لسه بيتحضر فى غسالة لغاية النهاردة، ثانيًا التمريض هو اللى مفروض يجهز المكن والجراكن مش المرضى، ثالثا الجراكن شكلها سئ ومقزز بجد، ومرمية وسط القمامة والقطط".
وأضاف فى رسالتة عبر خدمة صحافة المواطن: "التمريض بيشربو سجاير جوة الوحدة، والمرضى أصلا مش ناقصيين مرض، والصيدلية مفيهاش أدوية من اللى بيحتاجها المرضى شهريا مع أن كل مريض معه قرار وزارى، وفيه رصيد مالى يكفى ثمن الأدوية".
واختتم القارئ رسالته قائلا: " ده أدى إلى ثبات مبدأ أن المرضى مطلوب منهم يحضروا قبل التمريض يركبوا هما المكينات، حتى لو واحد كبير فى السن أو مش قادر بيجيب معاه مرافق، كل حاجة بيعملها المريض ماعدا الأبر بيجى التمريض يركبها".
.jpg "42709528_242895289653207_7202692977532076032_n (1)")
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء
عدد الردود 0
بواسطة:
خالد المصري
الصور ملفقة
يجب التأكد من الاخبار قبل نشرها في جريدة من اكبر الجرائد وحدة الغار موجدة بجوار مدينة الزقازيق بقرية الغار ( و الاعلامي الكبير طارق علام من مواليد القرية) انا اغسل بها و الصور المنشورة لا تمت للوحدة بصلة و يمكن التأكد من لون بلاط الارضية و شكل السراير و ان كان مطلوب الاهتمام بصيانة المباني و و صيانة الوحدة و توفير الادوية فعلا. و لكن لا داعي لتلفيق اشعات و يستغلها اعداء الوطن لاظهار و ضع سئ بابلد