خالد صلاح

برعاية سوبر كورة

سوبر كورة

أدعم منة جبران يتصدر الترند دعما لفتاة التجمع.. سالى عبد السلام: أنت على حق

الأربعاء، 22 أغسطس 2018 09:11 ص
أدعم منة جبران يتصدر الترند دعما لفتاة التجمع.. سالى عبد السلام: أنت على حق سالى عبد السلام مع منة جبران
كتب ــ محمد تهامى زكى

مشاركة

اضف تعليقاً واقرأ تعليقات القراء

لا زالت أصداء واقعة التحرش التى حدثت فى منطقة التجمع الخامس مستمرة، بعدما دشن عدد من الداعمين للفتاة بطلة الواقعة هاشتاجا تصدر قائمة الترند فى مصر عبر السوشيال ميديا بعنوان "أدعم منة جبران" مقتربا من 10 آلاف تغريدة بعد ساعات قليلة من تدشينه.

قائمة الترند
قائمة الترند

 

الهاشتاج تصدر الترند بسرعة رهيبة، وشارك فيه عدد من مشاهير الإعلام داعمين للفتاة ومحاولة التأثير بإيجابية على حالتها النفسية بعدما تم التضييق عليها، حيث كان من أهم الداعمين لها الإعلامية سالى عبد السلام، التى التقت بها وأشادت بما فعلته وطالبتها بالاحتفال بالعيد.

 

ونشرت سالى صورة مع منة، وقالت عنها: "مع منة جبران🤗اللى اكتشفت انها بنت منطقتى، أجدع بنت فى مصر،🤗عيدى واخرجى واتبسطى، انتى الصح، انتى على حق".

 

وأوضحت سالى: "منة اترفدت من شغلها، عيلتها قالتلها اسكتى وفى منهم قاطعها وهى يتيمة الأب، أعز صاحبة ليها قالتلها امسحى صورى من عندك وقاطعتها، منة مامتها منعتها من الخروج وأنا استأذنتها تنزل معايا، بعد الفيديو مشيت منة ودخلت سوبر ماركت وفضل المتحرش واقف وفى الأخر نزل كلمها يقولى تعالى نشرب كوفى، وكأنه عادى فى بلدنا أى حد يكلمنى وأنا ماشيه لوحدى، ولما صورته ونزلت الفيديو للأسف بنات دافعت عنه عشان عربيته غالية وأشباه رجال بيقولوا مشتمهاش أو قالها حاجة خارجة".

 

وتابعت سالى: "للأسف نسينا الأخلاق، عاداتنا وتقاليدنا على أهل بيتنا بس، يقولك أمى وأختى لأ.. وإحنا عادى ملناش حق ولا حرية نعيش فى أمان، الساكت عن الحق شيطان أخرس، اجبروا بخاطر الناس ربنا يجبر بخاطركم، الخير فينا إلى يوم الدين، والله ما عرفت أعيد بسبب تعبى، بس مش هسيب حد مظلوم يتحول لجانى".

 

واستكملت: "الله الغنى عن شهرة وفولورز مش بيقولوا ولا بينصروا الحق، كنت اشتريت من زمان أحسن متابعين، الله الغنى عن حد هيؤذينى بعد كده، من فضلك متقولش رأيك إلا لما تقيس موقف على أهل بيتك، المتحرش القذر فى ناس فى المجتمع عملته نجم وبيعمل فيديوهات وبيسف على الموضوع، لو انتى تقبلى تنزلى مع حد متعرفيهوش احنا لأ، فى بنات اتربت وجدعة و بـ100 ست من السهلين الرخاص اللى بيدافعوا عن باطل وعايزين يرخصونا كلنا، حسبى الله ونعم الوكيل".

سالى مع منة
سالى مع منة

 

وفى صفوف المغردين، قالت مروة: "كل الدعم والحب يا منة، اللى عملتيه هو عين الصح، أى حد يتعقبك يبقى متحرش وانتى جريئة وفخر لأى واحدة عندها ذرة كرامة وعزة نفس، مش ممسحة شايفه نفسها تستحق الانتهاك فى الشوارع".

2
 

وقال عبد الحميد: "من يوم ظهور الفيديو وأنا بدعم منة جبران ضد متحرش فخور بتحرشه، وضد كل واحد اتهم البنت فى شرفها، والتحوير عشان يطلعوها غلطانة وهى السبب"، فيما قال شريف: "أدعم منة جبران وأدعم أى منة وأى واحدة ست بتدافع عن إنها تعيش بحرية بدون استباحة شرفها وجسدها وتهميش دورها والاستهانة بعقلها".

3
 

أما نبيلة السيد، فقالت: "أدعم منة جبران، ده مش دعم لشخص بعينه، ده دعم لكل بنت بيتم التعدى على حقها فى أن تحيا فى هذا البلد بأمان"، وقالت ساسو أسامة:"البنت بتاعت فيديو متحرش أون سا ران دى تعتبر كل واحدة فينا لأنها واجهت حاجة كلنا جربناها بنسب متفاوتة بس الفكرة واحدة، مينفعش أبداً هى تدفع تمن حاجة صح عملتها والجانى المتحرش هو اللى يعيش مبسوط، ربنا يرجعلك حقك يا بنتى".

4
 

فيما قال زياد: "واضح اننا مش مدركين خطورة الموقف، منة بتمثل بنات مصر، وكده بنقول لأى حد انه يتحرش وميخافش لأن البنت متقدرش تعمل أى حاجة ولا حتى ليها صوت، ولو رفعت موبايلها وصورتك هتبقا مشهور".

 

5
 

 

6
 
7
 
 
8
 

 

9
 

 

10
 

 

 

 

 


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

mimo

الى منة جبران وسالى عبد السلام

أذهبوا الى الجحيم الأذلى انتم والمجلس القومى للمرأة .

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة