فيسبوك
واتساب
هم .. هم .. هم .. هم .. هم
الواد طالب كمان يزيد ال مم
قلت له صبرا لبعد بناية البيت
الخير جاى لك على عدوك سم
***
يا مجدع عرقك مع الفاس عسل
وزيت للتروس تلف يدور العمل
وفخر لنا الانتاج صنع فى مصر
والتصدير نهاية للاستيراد لا كلل
***
انا معاك نقسم الرغيف نصين
لكل واحد نص ونغمسه بيقين
ان بلدنا اللى يبنيها ايادينا وبس
كل واحد فينا لمصر صلاح الدين
***
تعالى نوفر الربع من كل حاجه
بالقناعة والصبر يكفينا وزياده
بلاش نكون بالإسراف مبذرين
التبذير يبعدنا عن صدق العباده
***
اوعى تصدق اكاذيب الاشاعات
امراض نفوس اعداء النجاحات
الشعب جبل ثابت على حب بلده
اشاعاتهم غيبة ونميمة وترهات
***
كرامتنا تاج تزين لنا كل طبليه
وقلة حبنا ميتها بالرضا عسليه
وكباية شاى بمعلقة سكر تكفى
ولا امد ايدى بمذلة اطلب الحنيه
***
سألته بيت الداء والا عزتك أهم
الواد عقل وقاللى انا آسف ياعم
كفاية عيشتى جوه الدار بسلام
وكمان لا تبذير ولنفسى لا ظلم
***
