خالد صلاح

شريف منير: مثلنا مصر فى روسيا كقوى ناعمة.. ولو تكررت الدعوة سنلبى فيديو

الأحد، 24 يونيو 2018 11:27 ص
شريف منير: مثلنا مصر فى روسيا كقوى ناعمة.. ولو تكررت الدعوة سنلبى فيديو الفنان شريف منير
كتب سمير حسنى
إضافة تعليق

أكد الفنان شريف منير، احترامه لعمله وفنه، واعتزازه وحبه لوطنه مصر، مشددا فى الوقت ذاته على قبوله أى دعوة لمساندة وتشجيع المنتخب المصرى مستقبلا.

ورفض الفنان شريف منير خلال مداخلة هاتفية لبرنامج "على مسؤوليتى"، للإعلامى أحمد موسى، والمذاع على قناة صدى البلد، الربط بين ما حدث فى أم درمان وما حدث فى كأس العالم، قائلا: "ربنا وحده هو اللى بيحكم، لو كنا كسبنا وهيصنا مش كانوا هيقولوا علينا وشنا حلو، ولما الأرجنتين خسرت كان وشنا وحش برضه".

وقال "منير"، نتيجة الفيديو أظهرت حاجات كتير مكنتش متخيلها، وحالة من الغليان ظهرت على الصفحات، بقولهم اهدوا ، أنا طول عمرى بحترم شغلى وفنى وبلدى وهفضل احترمها طول عمرى، وآخر ما كنت أتوقعه إننا نتهاجم بهذا الشكل وبالألفاظ الخارجة بالأب والأم، وهتك الأعراض، وحاجة فى منتهى القسوة".

وتابع: "أنا طول عمرى معروف بينى وبين الناس إنى محترم وبحترم نفسى وولادى بيحترمونى، ومربى ولادى على كده، ولما اتكلمت يمكن يكون خاننى التوقيت،إنى أتكلم والناس مضايقة، ويمكن يكون توقيت الفيديو مش حلو، إنما أنا اتكلمت من كتر الهجوم، إحنا مش فى موقف دفاع، إحنا قوى ناعمة، إحنا مش بنعمل حاجة غلط، أنا بفسر، إنما مقتنع باللى حصل كله ومش ندمان عليه، ومش مضايق منه، وشاركت وعملت اللى جوايا، وأنا مش بدافع عن نفسى، أنا عملت حاجة بتحصل فى الوسط الفنى من قديم الأزل، أى دعوة تروح لأى فنان بيقى تذكرة الطيران من الشركة وبإقامته، ده الطبيعى لأنه بيمثل البلد، ده سفير".

واختتم شريف منير تصريحاته موضحا:، "أنا علشان حبى فى الوطن والمنتخب قلت هالبس الفانلة، بس مش هاخد حاجة، وده اللى بلا مقابل".

 


إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة