خالد صلاح

ثابت مصطفى يكتب: جملة وقطاعى

الإثنين، 14 مايو 2018 07:00 م
ثابت مصطفى يكتب: جملة وقطاعى سوق - أرشيفية
إضافة تعليق

جملة وقطاعى فى ناس بتساوى

 تتباع بالقرش

ع الفرش غناوى قرب يا قناوى

العشره بقرش

مالك مش طايق طب عبى شوايل

تبت بالعشرة تبت مطرش

يا زمانا بلاوى

 يا جراب ميت حاوى

بنفك الخية تتلف الحية

حرص خد بالك بتخش كمامك

ميت قرصة زمانك وياريت بنحس

لساتك هاوى

عادى يا قناوى زيك ما يعيش

بلدك مناعى جبلك فوق عالى

ملناش فى الغش

جملة وقطاعى فى ناس بتساوى

تتباع بالقرش

يا حمام يا غناوى رفرف من تانى

زقزق يا حمامى وعاود للعش

ترفرف بتلاقى كترم حسادى

تضرب فى جناحك تضرب وتهش

يا زمانا بلاوى ياجراب ميت حاوى

 كم أخ تخاوى

ينهش من ضهرك يضحك فى الوش

عادى يا قناوى زيك ما يعش

بلدك مناعى جبلك فوق عالى

ملناش فى الغش

عادى ياقناوى ليك ناس بتداوى

بيصونوا العشرة

وحياة العشرة نحسبها تساوى

عندك ميت كنز

بلدك مناعى جبلك فوق عالى

عمرك ما تهونش

 


إضافة تعليق


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة