آسف يازمن انت برة الحكاية ... انت اصيل طول عمرك معايا
شمسك فى عز الشتا ليا دفاية ... قمرك نور امل عايش جوايا
تمسح من قلبى ألم للنور هداية ... آسف يازمن انت برة الحكاية
***
اللى كان فى كل ضلمه قمراية ... طلع كداب فى الضهر سلاية
كانت دموعه نفاق كدب لغاية ... صدقته لما كانت دموعه بداية
كانت دموعه تمساح نصباية ... آسف يازمن انت برة الحكاية
***
لما كان محتاج يمشى ورايا ... زى ضلى او واحد من الرعايا
حسن ظنى من سوء الخطايا ... ملعون الرقيع اللعنة مش كفاية
يعيش ندل فاقد لكرامتة حمايه... آسف يازمن انت برة الحكاية
***
الزمن قال كلمته فى النهاية ... اوعى تصدق للتعبان اى رواية
ملعون ابو الندل كوبرا سمايه ... شمبانزى اتربى على شقلباية
الذل له على الموائد تورتاية ... آسف يازمن انت برة الحكاية
***
كان عايش يعشق كل النفايا ... والسرقة كانت حرفته وهواية
ملعونة امه ربته على كدباية ... مش واحدة دى فاقت الالفاية
حبك يازمن فى القلب هوايا ... اقبل اسفى انت برة كل حكاية
تم أضافة تعليقك سوف يظهر بعد المراجعة