دشن رواد موقع التدوينات المصغرة تويتر، هاشتاج #لو_المصرى_طلع_الفضاء، تصدر قائمة الترد فى مصر بالآف التغريدات، تخيل فيه المغردون شكل وحال الفضاء عند وصول المصريين إليه.
وتنوعت سخرية تغريدات المشاركين من خلال الهاشتاج ، حيث قال معاذ عيد: "المصرى لو طلع الفضاء هيفتح محل كشرى وجمبه فول وطعمية والأرزاق على الله"، بينما قال خالد على: "هذا الكوكب ملك الحاج إسماعيل شقلطة وغير موضوع للبيع، مسجل فى الشهر العقارى التابع لوكالة ناسا الشرقية برقم 265 لسنة 2183"
خالد على
وأضاف محمود بيومى: "المصرى لو طلع الفضاء هيفكر ازاى يحجب الشمس عن العالم كله عشان يعمل ليها اشتراك شهرى"، وقالت ست الحزن: "هيتصور سيلفى مع الكواكب طبعا"، بينما قال محمود طاهر: "هيلاقى كور أحمد فتحى" فى إشارة إلى رفعات الجوكر العالية خلال المباريات، فيما قال عماد: "هنعمل زحمه فى الممر الكوكبى العالمى".
وفاء خفاجى
أما سعاد، فقالت: "المصرى طول عمره معروف بجبروته، توقع منه أى حاجة لو طلع الفضاء"، وقال حساب باسم فراويلا: "هيكتبوا على الصاروخ السواقة فن مش عن عن"، وقالت شريهان: "إحنا شعب بيطلع السلم بالعافية ونتشعبط فى الأسانسير، فضاء إيه بقى دا"، أما البابلى فقال: "هيكتب على القمر، عشانك يا سمر كتبت اسمى على القمر".
وقال عبد العزيز: "مراته هتتصل عليه كل خمس دقايق تسأله انت فين، وممكن تقوله هاتلنا حاجة حلوة معاك من الفضاء"، وقالت نانسى: "هايروح للنجمه ويقولها.. هاى ممكن نتعرف"، فيما قالت سعاد: "ممكن يطلع من دلوقت بقى وياخد الفسيخ بتاعه معاه، شم النسيم قرب".
ست الحزن
سعاد
سنفورة
شريهان
عبد العزيز
عماد
فراولايا
محمود بيومى
محمود طاهر
معاذ
نانسى
