لما سمعت منه الآهة بكيت .. كبرت أحزانى بدموعى ارتويت
انت جوه قلبى كناريا عايش .. عشك شرايينى لك مفارش
من غيرك تاهت منى الحياة .. بيك فرحتى تحقق للقلب مناه
كل دا نسيته ليه هو انا عملت ايه
تحت المطر انكسر عكازى .. يمين شمال انت ملاذى
ناديتك فى عز ألمى .. لقيتك زودت همى
لأنك سامع وساكت .. أحاسيسك بيه ماتت
انت بقيت كدا بعيد ليه هو أنا عملت إيه
انت لرحلة حياتى نسيت .. ياما قبل ما أشرب انت ارتويت
كان كاس الشهد منى .. كنت باحميك بننى
ولما النوم يجينى حبى ليك كان بيصحينى غصب عنى
كل دا نسيته ليه هو انا عملت ايه
لما طال صراخى ألم .. قلبى بيكره كلمة ندم
لما سمعنى قلب عنى كان غريب .. جانى شايل حنية زى اللبن الحليب
حبى ليك ولسه برضه طفل صريح .. عشقت فيه الآهة بات جريح
كل دا نسيته ليه هو أنا عملت أيه
روحى منك فى حالة غرابة .. عمرى معاك مكنش سحابة
فى عز المطر مرت تحت الشماسى .. داست بالندالة ام راسى
كان قلبى شمسية سماح .. ونسيت فيك كل اللى راح
كل دا نسيته ليه هو انا عملت ايه
انت فاكر جفنى كان شمسية ليك .. رمشى كان يحرس عنيك
تعالى افكرك بحلم بالبداية .. اللى قلت يوم انها مالهاش نهاية
اوعى تقوللى انك للحدوته نسيت .. انت فاكر انا ياما عليك حنيت
كل دا نسيته ليه هو انا عملت ايه
ملعون ألف مرة يا رخيص المشاعر .. ملعون يا دخان بريئة منك المباخر
بدلت فرحتى بدموع بها انت تاجر .. زى غراب البين فاكر نفسه انه شاطر
ملعون يا زارع آهة فى قلبى موال .. ملعون ياللى هتفضل الآهة ليك سؤال
ملعون ياللى خليت المر كافيه هو انا عملت ايه
قلت افتش فى كتابى .. يمكن انسى ليك عذابى
لقيت قلب الغريب .. فيه الدوا وكمان طبيب
كان نفسى عشمى فيك ابدا مايخيب .. انت شمس غربت ايه بعد الغروب
ملعون ياشيطان موالى بعلم ليه هو انا عملت ايه
تم أضافة تعليقك سوف يظهر بعد المراجعة