أكد النائب عبد الفتاح محمد عضو لجنة القوى العاملة بمجلس النواب، إن اللجنة فتحت ملف استثمار أموال المعاشات مرتين، ووجهت تساؤلات حول الموارد والتأمينات والمعاشات إلى الوزيرة المختصة، وتم الرد عليها بالأرقام بأن أموال المعاشات يتم استثمارها وليست ضائعة .
وأضاف عضو لجنة القوى العاملة بالبرلمان فى تصريح خاص لـ"اليوم السابع"، إن الظروف الحالية تعتبر استثنائية وننتظر تحسن الوضع الاقتصادى بشكل يمنحنا الحرية بأن نطالب باستقلالية صندوق المعاشات.
وتابع عضو لجنة القوى العاملة بالبرلمان، لا نريد أن نضغط على الحكومة لأننا على علم بالظروف الحالية وسيأتى يوم نطالب باستقلال صندوق أصحاب المعاشات والتأمينات، على أساس أن المعاشات التى يتم منحها للمتقاعدين على مستوى الجمهورية سيئة ولا تكفى 10 أيام من الشهر، وبالتالى نحتاج تحسين وضع أصحاب المعاشات.
واستطرد النائب عبد الفتاح محمد، إن السنة القادمة سيتم مطالبة الحكومة باستقلال صندوق المعاشات من أجل أن يعيش أصحاب المعاشات حياة كريمة من خلال أموالهم.
عدد الردود 0
بواسطة:
KHALED
أديك قلتها ... لكن ايه العمل ؟
على فكرة هو مش بس المعاش الذى لا يكفى صاحبها 10 أيام ، دا المرتبات الحكومية كمان لا تكفى صاحبها أسبوع أو 10 أيام بالعافية . لكن اديك ( سيادة البرلمانى ) قولتها ، تقدر تقوللى هتعملوا ايه ... واللا دا مجرد تصريح ورأى وخلاص ؟ ... نظرة لموظفى الحكومة شوية والمعاشات يرحمكم ربنا
عدد الردود 0
بواسطة:
سيد بالمعاش
الله يكون فى عون المستفدين من معاش التجاريين
معاش التجاريين 200 جنية ( مائتان جنية ) فى السنة اى 16 ستة عشرة جنيها فى اشهر - وهذا يكفى لافطار فرد واحد فى الشهر ( فطار فقط ) وقراءة الجريدة اليومية ( عشرة ايام ) بدون العدد الاسبوعى
عدد الردود 0
بواسطة:
السيد البنا
عملت 47 سنه من سن 18 وحرب اكتوبر مضاعفه17 سنه و30 سنه بره ومعاشي 1200
وجامعي وخريج تجاره ومدرس سابق لمدة خمسة عشر عاما ومعاشي 1200 جنيه وعمري 68 سنه وادويه ورسومات اشعه وتحاليل ب 1000 جنيه لان معنديش تامين صحي ورحم الله المعاشات
عدد الردود 0
بواسطة:
محمد السيد
معاش التجاريين هو معاش الاموات 200 جنيه كل سنه نقابه فاشله
معاش التجاريين نصب واحتيال علي التجاريين وعدم اجراء انتخابات منذ 25 سنه خير دليل علي الفوضي الخلاقه
عدد الردود 0
بواسطة:
منين نجيب الصبر؟
انت بتقول أية يابا الحاج عبد الفتاح عشرة ايام اية الى ببتكلم عليهم تقصد عشرة ساعات ولا عشرة دقائق
دا يا مؤمن أصحاب المعاشات وأضف اليهم الموظفون كمان من أول دقيقة لأستلامهم الكام ملطوش يبدأ الضغط عندهم يرتفع مع السكر مع تلف الاعصاب وجفاء النوم للعين من كثرة التفكير فيما سيتم عملة بهذة الملاطيش من الجنيهات --فكل واحد بيمد أيدة ويقول هات --أشى مصروفات وأشى دروس خصوصية وأشى كهرباء وأشى أيجار وأشى علاج وأشى تسديد لبعض الفواتير المستحقة من جمعيات وسلفيات وقروض أن وجدت وأشى كمان أسعار ملهلبة فى كل حاجة وفجأة يفوقوا من التفكير ليلاقوا أنفسهم متورطين فى هنعمل أية من هنا لأخر الشهر هنجيب منين الصبر على اللى أحنا فية--وكل هذا التفكير يا سعادة النائب لا يستغرق اكتر من عشرة دقائق يبقى تقدر تقول لنا انت منين جبت عبارة تكفية لعشرة أيام دى--هو جنابك نائب معانا هنا فى مصر يعنى ولا فى بلاد الواق واق --معلش كان بودى أطول الحديث معاك شوية بس لازم افرمل علشان صحتى متتعبش اكتر من كدة واعصابى تفلت منى وأقول أحييية أحييية على المعاشات والمرتبات بس هنتمسك زى ما انت قلت بأمل تحسن الاوضاع --لأن الأمل هو طوق النجاة الوحيد الباقى لنا والسد المنيع من الجنان--وبالمناسبة هو دخل حضرتك كام الشامل بكل حلوياتة وسلاطاطة وبابا غنوقة--أكيد مبيقضيكمش اكتر من يومين تلاتة والله انت غلبان أنصحك بالانضمام لطبقة المعدومين المطحونين بتوع العشرة ايام--يالة يالة أخزى الشيطان كدة وسمعنا صلاة النبى وقول موافق على الانضمام-- وبلاها أكل فراخ ولحمة وكمان حمام--ومفيش داعى لا للغدا ولا للعشا وندخل خفاف ننام---أتمنى لك يا برنس أسعد الاحلام مش كلام معسول وعيشة فى أوهام--,وسمعنا سلام العيشة قوى مرة يا عبد السلام
عدد الردود 0
بواسطة:
سالم النجار
المعاشات
صدق النائب الكريم ولكن المعاش لا يكفى 3 ايام وليس 10 ايام حيث ارتفاع اسعار الكهرباء والغاز والماء واضف الى ذلك ان اصحاب العقارات زادوا علينا الايجارات دون النظر الى قانون او غيره لا قانون ايجارات جديدولا قديم. انا ساكن من 30 سنه ورفعوا الايجار 3 مرات بزياده 100% او اكثر فى كل مره. كذلك العلاج والتداوى والصحه اصبحت غير اول وهناك الكثير والكثير. خدمنا البلد والان نحن اقل من خيل الحكومه يتمنون موتنا السوم قبل غد.