بأكثر من 30 ألف تغريده، تصدر هاشتاج "#لو_قابلت_نفسك_تقولها_ايه" قائمة ترند تويتر فى مصر، عبر من خلاله المغردين عن آرائهم وتخيلاتهم عن أشياء فى أنفسهم كل من وجهة نظره.
الهاشتاج فى صدارة الترند
وتنوعت تغريدات المشاركين من خلال الهاشتاج، حيث قالت ميمى: "يا ريت تختارى الناس صح بقى، بدل ما انتى مبهدلانى معاكى كده"، وقالت مريم صالح: "هقولها بطلى أكل حرام عليكى"، فيما قالت أمل على: "انتى ليه بتعملى كده، ليه بترهقينى وليه بتفكرينى باللى عاوز أنساه، ليه غاوية تعب ومقضياها عياط، خلى عندك دم وفوقى محدش يستاهلك ولا يستاهل قهرتك ودموعك".
ميمى
أما ندى، فقالت: "اوعى فى يوم حد يزعلك أو تعيطى عشان حاجة متستهلش، انتى أقوى من كده، خليكى دايما مبسوطة وبتضحكى مهما كان"، بينما قالت أسماء فايد: "مش ناويه تفوقى معايا كدا وتساعدنى ولا إيه، مش هتحسى بيا بقا ولا إيه، عيب عليكى، إحنا بقالنا سنين مع بعض، صالحنى بقا أحبيبتى".
ندى
وأضاف محمد شاهين: "مش هنرتبط بقى ونبقى فى نكد ولا إيه"، وقال إبراهيم: "هحضنها وأطبطب عليها وأقولها معلش وأضربها بالقلم وأمشى"، بينما قال مصطفى: "يااااااه، ده أنا هجبلها ورد وأعزمها، أصلى نفسى مفتقدة الاهتمام من فترة، ونقعد نشرب شاى بنعناع وأحكى معاها واسألها ليه وصلتى للمرحلة دى".
محمد شاهين
وقالت سومة: "متزعليش لو يوم قدرتى حد ومفهمكيش، شكرا لأنك وقت الضعف متهزتيش ولأنك كنتى جامدة ومتعبتيش وكنتى صريحة ومبتخبيش، شكرا لأنى كنت دايما شاريه ومبتبعيش، شكرا لأنك رغم كل ده لسه واقفة على رجلك وموقعتيش، شكرا لأنك فضلت زى مانتى متغيرتيش"، وقال محمد أسامة: "استقيمى، وحشتنى نفسى بتاع زمان، نفسى الحلوة االلى كانت كلها ضحك وأمل وهزار، وحشتنى نفسى لأنها تقريبا راحت مع اللى بيروح".
إبراهيم
أسماء فايد
أمل على
سومة
محمد أسامة
مريم صالح
مصطفى
عدد الردود 0
بواسطة:
مش مهم.
تحياتي.
هذه هي الصحافة الراقية التي تدفع العقل للتأمل و التحليل و التفكير و الاستنتاج و تضيف إلي عقله ولا تنتقص منه بعكس معظم الأخبار.
عدد الردود 0
بواسطة:
omar
المصرببن دمهم زى العسل
وكمان فلاسفة
عدد الردود 0
بواسطة:
منين نجيب الصبر
طوال خدمتك معايا وأنت مظلومة--وبدون راحة ولا أجازات --أنا عارف أنة مش ذنبك--انا بعتب على الزمان
بلاش عتاب منك فأنا بعتب على الزمان اللى خلانى أهدك--انا بعتب على الزمان اللى خلانى من زمان أخاصمك--أنا بعتب على السنين اللى فضلنا فيهم متفرقين--مشتاق اليك وقتلنى لرؤياك الحنين--يا خسارة بقينا أغراب ومش عارفين أحنا مين - عايشين فى الدنيا عن بعضنا تايهين -حاولت كتير اصالحك بس يا خسارة دايما تقول لى احنا مننفعش لبعض وهنعيش على طول مطحونين ومظلومين -ووالله على بعادك منا عارف منين نجيب الصبر---منين
عدد الردود 0
بواسطة:
عايده
لو قابلت نفسي اقولها....
عشتي في الوهم كام شهر....بس و الله الوهم كان احلي من الحقيقة....فوقي بقي لنفسك و عيشي في الواقع مهما كان و أخرجي من الحزن ...و ......و اهتمي بالصحة شوية...... و بلاش اهمال اكتر من كدة....
عدد الردود 0
بواسطة:
مين أنا
من غير ليه
جيتي الدنيا ليه
عدد الردود 0
بواسطة:
سمير
يا حماااااااااااااااااااااااااار
هذا ما أقوله لنفسى
عدد الردود 0
بواسطة:
ahmad
هأخذها بالاحضان
و أقول لها .. ازيك يا شيخة..بعد كل الهم دة و عايشة لسة
عدد الردود 0
بواسطة:
نانا
لو قابلت نفسي
هلومها علي حاجات كتير . اني بصلي الاوقات متاخرة مش في مواعيدها. و انها مش مهتمة بزوجي و حبيبي و مهتمة اكتر بالاولاد
عدد الردود 0
بواسطة:
Haitham
لو قابلت نفسي
اقسم بالله همشي من شارع تاني عشان مش هقدر. أواجهها عشان ظلمتها ظلم بيٍن وربنا يسامحني علي اللي عملته فيها عشان حملت عليها فوق طاقة البشر والله العظيم ان مش عارف اعمل ولا أتصرف ازاي وربنا يسامحني علي اللي انا فيه لكن كل اللي اقدر أقوله للجميع ما تجيش علي نفسك عشان اَي حد ف الدنيا مهما كان ما عدا الوالدين دي نصيحة لوجه الله
عدد الردود 0
بواسطة:
محمود عبدالمنعم
اقول لنفسى........
ارزن و فكر قبل ماتتكلم ولا تاخد قرار....