أصبحت شركة MO4 حديث الساعة، باعتبارها الشركة التى تمتلك موقع "فصلة"، الذى أهان الباسبور المصرى، تلك الواقعة التى أثارت جدلا واسعا سواء داخل البرلمان المصرى، أو المجلس الإعلام للإعلام، لتتزايد المطالب الخاصة بغلق هذا الموقع ومجاسبة تلك الشركة.
بالبحث عن تاريخ هذه الشركة، اكشفنا تغريدة يعود زمنها لـ3 أعوام، إحدى العاملين فى تلك الشركة تكشف عن حالات نصب تورطت فيها تلك الشركة لبعض العاملين لديها، وسط تحذيرات تحذر من التعامل مع تلك الشركة الإعلامية.
التحذير تضمن خلال الموقع التواصل الاجتماعى "تويتر"، التنبيه لأن شركة MO4 الشهيرة بشركة الإخوة "موافى" والمالكة لمواقع cairoscene و cairozoom نصبوا على أناس كثر عارضا شكوى لإحدى العاملات بتلك الشركة.
منى عبد الرحمن، كانت هى إحدى العاملات بهذه الشركة التى كشفت واقعة النصب التى تورطت فيها الشركة ضدها، منذ 3 أعوام، حيث كشفت خلال تدوينة لها يرجع تاريخا لعام 2015، تفاصيل واقعة النصب عليها قائلة: من شھرین سبت شغلي في شركة سوشيال میدیا كبیرة بیدیرھا ناس من عیلة واحدة وبفضل ماقولش اسمھا لأنھا مشھورة بما یكفي لفضحھم بعد 4 شھور و7 أیام، هذه ليست شكوى ما ھو تحذیر للي بیفكر یشتغل ھناك، أو یشتغل في المجال ده عموما، فهذه الشركة واحدة من أسوأ الشركات اللي ممكن تشتغل فیھا مش السبب الرئیسي ھو التأخر المستمر في الرواتب، وقلة الذوق اللي بتقابلھا لما بتطالبھم بمرتبك، الأسباب لا تعد ولا تحصى.
وأضافت فى تصريحاتها: معدل الـ Turnover عالي وسریع جدا، یعني ناس كتیر بتسیب شغلھا ھناك كل شھر، ومفیش تعاقد ولا تأمینات، وبالتالي مفیش حاجة تضمن بیھا حقوقك أكید- وده وضع شركات بیر السلم زي الشركة دي، معندھمش حاجة اسمھا مواعید العمل الرسمیة!، انت شغال ھناك وكأنك دكتور طوارئ. یاریت، دانت بتبقى ثور في ساقیة، كل الشغل مستعجل، من 9 الصبح لمنتصف اللیل، وكنت لما بخلص شغلي في معادي الساعة 6 یتقالي من مدیرة الشركة انتي بتمشي الساعة 6 كل یوم یبقى ازاي تكلمیني عن كذا وكذا! وكأني برتكب جریمة لا، وفي رمضان، والناس شغالین وصایمین، صاحبة الشركة تعزم كل اللي شغالین على عید میلاد بعض الناس الساعة 4 العصر! ولما تكون الساعة 6 وفاضل على الفطار ساعة واحدة، تقول لا ماحدش ھیمشي واقعدوا خلصوا الشغل.
وتابعت إحدى العاملات بهذه الشركة: لما تناقش المدیرة في أي مشاكل تخص الشغل، أو تخص تأخر الراتب، تقعد تكرر كلام كتیر مالوش أي لازمة عن حیاتھا الشخصیة وتفاصیل ماتھمناش في حاجة، ولما انت تقول أي حاجة تقولك: irrelevant ..!ورغي رغي رغي في مشاكل حیاتھا الخاصة، عشان بقولھم إني بشتغل في الشركة من 4 شھور وماقبضتش غیر مرتین بس، فین مرتبي؟، فمطلوب منك تشتغل طول الأسبوع وفي أجازة آخر الأسبوع، وفي الإجازات والعطل والأعیاد!
وتابعت: أنا كنت بشتغل ھناك Branding- المفروض- بس لأني برسم كویس فبقوا یطلبوا شغل Illustration ،وعملنا كذا مناقشة ومشاكل من أول شھر بخصوص هذا الموضوع ، ونقولھم یا جماعة الرسم حاجة والبراندنج حاجة تقوم المدیرة تقول: ده أصلا لھ علاقة بالبراندنج!، واللي ماسك الفلوس ھناك، واحد من اصحاب الشركة، آه في محاسب بس دوره كرتوني عاوز مرتبك بتبعت إیمیل للشخص ده كــل شــھـــر" تفكره" !، وبدأت النھایة بالنسبة لي معاھم لما ادیتلھفرصة أسبوع، وبعدین بعت إیمیلات 5 مرات لمدة أسبوعین، ومن غیر أي رد كلمت المدیرة قالت الحل الأسطورة "ابعتي ایمیل وحطیني في الـ CC "، وبعت الإیمیل ده والباشا رد في ساعتھا یقولي: مش ھینفع أرد على إیمیل مبعوتلي عن الراتب وحد في الـ CC !، وبعتلي إیمیل یقولي إن المرتبین ھیكونوا عندك الأربع الجاي، كل ده متسجل في الإیمیلات بالتواریخ، وده كان بعد ما اتأخر مرتبي شھر كامل، وداخل على معاد القبض الجدید، جه یوم الأربع وكل شویة طالعین للمحاسب ونازلین ویقولنا لسھ مفیش حاجة، لسھ مش عارف، لسھ باللیل، وقالنا بكرة، ویوم الخمیس قررت مش ھعمل أي شغل لحد ما آخد فلوسي. وده كان آخر یوم في الـ 4 شھور، أي یوم شغل زیادة ھیكون بدایة شھر جدید، وقعدت طول الیوم منتظرة المحاسب یجیب الفلوس، وبعتوا یطلبوا شغل الأسبوع الجاي كمان، ولحد الساعة 11 باللیل المحاسب جالي بجزء من المرتب.
واستطردت فى شكوتها بشأن الشركة: الأحد اللي بعده مكملة في موقفي، وبقى كمان مطلوب إني أعمل Storyboard لشركة مشروبات غازیة كبیرة، وأنا مبشتغلش في ده أصلا، ومش رایحة ھناك أعمل ستوري بورد! وكنت مصممة آخد فلوسي كاملة وأمشي وطز فیھم، لكن یوم الأحد لما بعت إیمیل باللي بیحصل وإني مش ھشتغل یوم زیادة من غیر ما آخد، فلوسي، حد تاني منھم ھو اللي یرد بإیمیل یتساءل ازاي تفھمي فلانة إنك ماخدتیش فلوسك وانتي أصلا خدتیھا یوم الخمیس، وھو انتي ناویة تمشي من غیرnotice، وكلام فارغ كتیر مالوش علاقة بالمشكلة الأساسیة، وآخر إیمیل بیني وبینھم بسأل فیھامتى ھاخد بقیة فلوسي، فالأستاذ رد بسخافة وقلة ذوق متناھیة ویقولي انتي كلفتینا مبلغ كذا وكنت ھطلبھ منك ومعاها تعليق: ده إيميل صاحبة الشركة ليا، كرد على إيميل طويل بعته بشرح فيه موقفي بوضوح، بحقائق وبأسلوب احترافي، لكن ردها كان غير احترافي بالمرة.. كله تهديد ووعيد بأسلوب حقير ولغة ماتليقش بشركة بتعمل شغل لعملاء كبار.
وحذرت صاحبة الشكوى، المواطنين من العمل بها قائلة: لو عاوز تشتغل ھناك انت حر، بس خلیك متأكد إن المكان ده لا ھیحترمك ولا ھیقدر احترافیتك، ولا مجھودك، وھیتھرب من حقوقك عنده بكل سفالة لمجرد إنھم كده!، لو الشركة دي لیھا حق في أي حاجة كانوا اتصرفوا، ولو شایفین إني ماشتغلتش زي ما بیدعوا كانوا قالوا ده.. لكن إیمیلاتھم أكبر دلیل ضدھم، وكل اللي عمله إني بطالب بحقي وبقول حقایق حصلت بالفعل، وكان شاھد علیھا كل زملائي اللي اشتغلت معاھم كل یوم من 10 صباحا لما بعد 10 مساء.
وقالت صاحبة الشكوى: قبل ما أنسى، كنت أتمنى أعرف الموضوع ده قبل ما أشتغل ھناك.. بس لازم أوضحھ من باب فعل الخیر، صاحب الشركة وأبوه مرفوع علیھم أكتر من 1500 شكوى ودعوى قضائیة بسبب النصب في لندن، في شركة عملوھا وھربوا بالفلوس والأخبار دي منشورة في كل حتة وموجودة في الصور فازاي ھتصور إن ناس نصابین فعلا ھیرجعولي حقوقي!.
