فيسبوك
واتساب
على قلبى حفر الزمان للناى آهات
مع شمس كل نهار تاهت الخطوات
فى الليل تغرق الجفون فى العبرات
اناديه تبكى دقات عتابه فى سكرات
ودقة ورا دقة تاه القلب فى مغارات
ليه ياناى القمر ضل منى كل طريق
تاه ندى الصبح منى وانا فيه غريق
ارسمه بالامال جوايا يرد عليا نعيق
زى عجوز لا ينفع معاها المساحيق
والام قلبى بتعزف كل زفير وشهيق
آسف ياقلبى ياخزنة همى واحزانى
قاللى الطبيب كلام رجعنى من تانى
لاكتر من السبعين ربيع تاه عنوانى
آسف نسيتك جف من الورد بستانى
آسف نسيتك وعزفت عليك اشجانى
سامحنى انا المركب من غير شراع
انت مجداف كل امل من كل الضياع
لما يجف الندى مفيش للنبض خداع
لما ينقفل الكتاب ماينفع حبر ويراع
ياقلبى انا حروفك فى كل كلمة وداع
