فيسبوك
واتساب
من يوم ما جيت الدنيا
ما عرفت غير الواء
بيقولوا كانوا بيضحكوا
مع إنى كنت حزين
الصرخة كانت صرختى
الضحكة قولولى لمين؟
جايها وعارف أخرتى
ونازلة دموع العين
والدمع نفسه بيشتكى
ويقولى دايمة لمين؟
قعدت أراجع صفحتى
وأقلب شمال ويمين
عن سطر يمكن يستحى
وبالفرحة يبقى كريم
لقيت كلام عن أخرتى
بيقولى تمشى يمين
طريقى أيوه هيتعبك
لكن نهايته نعيم
ولقيت كلام عن دنيتى
بيقولى تمشى فى سكتى
وتطلب رضايا وسلطتى
يا تبقى فيا حزين
ووقفت أعانى فى وحدتى
والحيرة مالية العين
يا إخوانا حد يدلنى
الفرحة أجيبها منين؟
يمين وأكسب أخرتى
ول أطاوع شهوتى
وأصدق فراغة العين
وفجأة لمعت فكرتى
الدنيا تبقى فى جزمتى
والأخرة جوة العين
أراعى ربى فى دنيتى
واكسب سوا الاتنين
