أرسل المحامى على عرفة محمد عبد الحميد شكوى من عدم تسلم وحدته السكنية التى حجزها من خلال وحدة الإسكان والتمويل بصندوق التمويل العقارى، منذ عام 2015 حتى الآن.
وقال المحامى من خلال "صحافة المواطن": "قدمت من 2015 عن طريق الإعلان السابع، القاهرة الجديدة وقالوا لازم تدفع 4 آلاف جنيه وتحول لمدينة أخرى، وبالفعل حولت لمدينة الشروق، ودفعنا 4 أقساط".
وأوضح المحامى: "من أول ما قدمت قدمت على نية أعمال حرة بكارنية نقابة المحامين، حولونى لبنك لا يتعامل مع المحامين أو غير المؤمن عليهم، ذهبت للبنك فى الخليفة المأمون، لقيت الورق مركون، وسألت الموظف المسئول الذى رد قائلا (مش حينفع أنى أقبلك لأنك غير مؤمن عليك.. ودى سياسة بنك مقدرش أغير فيها.. خلى أى حد يأمن عليك وأنا هقبلك)".
وتابع القارئ: "أنه تقدم هو وزوج شقيقته للحصول على الوحدات فتم تسليم الوحدة له منذ عام، وأنه حتى الآن ما زال يدفع الأقساط التى بلغت 25 ألف جنيه، ولم يتم التسليم بحجة أننى محامى وغير مؤمن علىّ، وأنهم غير مقتنعين بأنه لا يجوز التأمين علىّ لأننى محامى حر وإذا حصل ذلك فسيتم فصلى من قيد نقابة المحامين".
عدد الردود 0
بواسطة:
محمد فؤاد
انا بعانى من نفس المشكلة لكن مفيش حل لازم تدخل من مسئول
و الهى اصبت كبد الحقيقة الريس بيقول حيدى كل الناس لكن البنوك مش بتتعامل الا مع المؤمن عليهم وكان غير المؤمن عليهم مش شغالين مش عارفين ان طالع عينا و ان مش بمزاجنا انة غير مؤمن علينا و كتير جدا قابلتهم نفس المشكلة و انا جواجها قريب جدا لا يجى دورى و نفهم من كدة ان كلام الريس حاجة و الى بتعلة البنوك حاجة و المشكلة الاساسية ان الصندوق ميقدرش يامر البنوك بطلب غير المؤمن عليهم للاسف الموقف دة عايز تحرك مسؤل يجبر البنوك على قبول الاعمال الحرة او غير المؤمن عليهم نتمنتى الصوت دة يوصل لاى مسؤل ادونا الشقة و خدو كل الضمانات و الهى احنا مواطنين ملناش تامين صحى ولا معاش ولا تموين و كمان الشقة لا لية كدة اد كدة التامينات بتخلى الواحد لية قيمة فى البلد دى و كان مطلوب من كل واحد ان يبقى مؤمن علية عشان يبقى مواطن من حقة انة يطالب باى حاجة فى البلد دى يا يوم يا سابع اتمننى تبنى المشكلة دى بجد لانها بتمس كتيييييييير جدا و لسة حتمس الى جاى الدايرة مش حتقف علينا بس