نفسى مدفونة جوه نفسى
بألوان الخوف متشرنقة
باتت نفسى زى شمعة
بالدموع متزوقة
دموعها ضفاير ألم
بتلف عمرى
لدقات قلبى شرنقة
خايف من خيوط الشمس
تنسج لقلبى من الأحزان
عباية من ألوان متخلقة
خايف تبقى مشنقة
خايف ترسم سهام
تبقى نار لأمالى محرقة
ولما راسى بالشيب
بعمامة بيضة
بالنور مروقة
زى شجرة فى الخريف
ودعت أوراقها
باتت مش مورقة
بكت نفسى على نفسى
فى محطة الوداع
مش مصدقة
صوت من بعيد نادانى
ودع الأحزان
ولا الدموع تبقى مرقرقة
اوعى تخاف منها
أو عليها
الدنيا هى المشنقة
تم أضافة تعليقك سوف يظهر بعد المراجعة