تداول مستخدمو موقع التواصل الاجتماعى "فيس بوك"، صورة لبائع فول يستخدم مياه ترعة المريوطية لغسيل الأطباق الخاصة بعربته.
والتقطت الصورة فتاة تدعى هبة خليفة وقامت بنشرها عبر موقع التواصل الاجتماعى معلقة عليها :" يا جماعة النهارده وانا رايحه الشغل وواخده طريق المريوطيه وقفت شويه بالعربية على جانب الطريق ويشاء القدر أني أشوف المنظر القذر اللي فى الصوره ده فى شارع المريوطية تقاطع ترسا واقف عربية فول وصاحبها ببجيب مياه من الترعه".
وتابعت:"المياه القذرة اللى كلها بلاوى زرقاء وبيغسل بيها الأطباق عشان يحط فيها فول للبشر الى بياكلوا منه، بجد حسبي الله ونعم الوكيل فى الناس معدومة الضمير الى ببتسببوا فى فشل كلوي لكل الغلابة اللى واقفين ياكلوا منه محدش يشترى من الأشكال دي يا جماعه بجد اول مره اتصور حاجه زي كده بس اتألمت اوى وانا شايفه المنظر ياريت تاخدو بالكوا وشيروا المنظر دا خالى الناس تاخد بالها".
