فيسبوك
واتساب
أبويا الحاج زعلان
واخد على خاطره وغضبان
وزعله معايا بيطول
وأنا خايف من دا مـ الأول
يقابلنى عادى يكلمنى
وسلام من أصحابى يسلمنى
وعلى وصل النور يفـهـمـنى
و تليـفون بالليل يصـحـينى
أخبارك أيه طمنى ؟!!
يكلمنى وكأن كل شىء عادى
بس من جوه هو مش هادى
وأسأله يابا الحاج أيه مالك؟!
يقولى مافيش .................
هو أنت هتعمل عليا شاويش ؟!!!
فأضطر أسيبه وأقوم ماشى
بـس الحيرة مـليانى
وخوفى عليه خلانى
مهموم وهمومى عميانى
علشان عارفة صعب يلين
راسه ناشفة
منا وارثة فى طبعه الزين
وعلشان عارفه وعارف اللى جواهـ
عمره ما ينطق أو حتى يـقول الأهـ
بأقول كلامى ويردد ورايا صداااهـ
أبويا الحاج زعلان
واخد على خاطره وغضبان
وزعله جوايا بيقطع
وعيونى م الحزن بتدمع
ومش عارف أعمل معاه أنا أيه
نغسى يا ناس أراضيه
بس هو يتكلم
ويقول هو من أيه بـيـتـألم
ولو إيده على وشى هتعلم
بس أعرف أبويا الحاج زعلان ليه؟
