فيسبوك
واتساب
مفطّراتى.. ماشى بآلاتى
ويّايا طبله.. بانده يا أبله
عنتر يفطّر حبيبته عبله
ويّايا آله.. ماشيه بتكاله
شاعر يا خاله ومغنّواتى
مفطّراتى.. ماشى بآلاتى
بنقول له يا الله يا مأدّناتى
ادّن وكبّر.. الفول مشبّر
والباميه.. تسلم.. إيدين مراتى
الدورى قرّب... انزل وجرّب
الأهلى عايز جوزيه يدرّب
الإسماعيلى.. غلب المحلّه
ربّى الزمالك لناسه علّه
افطر يا طه... ماشيه بدعاها
دنيا دنيّه.. يرحم هنيّه
عاشت فى حالها.. راضيه وأبيّه
أحلامها كانت.. أمّا استكانت
على طرف توبها أوّل ضحيّه
لفّت فى شالها... ورد اللى شالها
زرعت أملها... فى الأبعاديه
طلّت علينا... لمّا انحنينا
تضحك بروحها م المشربيه
هذا أوانى.. ماشى بطاقيّه
لفّيت حوارى.. ساعة العصارى
ومشيت أغنّى فوق الكبارى:
............
رمضان حنيّن يا به يا قناوى
أهلاوى ماسك إيد زملكاوى
وصعيدى كتفه وكتف بحراوى
توبك سماوى يا مصر يا بنت الرضا
يا مفرطه فى العشق وقت الفضفضه
يا معلّمانى المضمضه بعد السكات
طوفوا الشوارع بالخيول
واتفرجوا ع الأنتيكات
خان الخليلى وفرحة الضاهر
ويشمك بنتنا ستّ البنات
والمشربيات والقهاوى وقعدة البهوات
سحّرنى يا شاعر
دقوا الطبول على كافة القنوات واستدعوا مكّاوى
رمضان حنيّن يا به يا قناوى
..............
مفطّراتى.. ماشى بآلاتى
ويّايا طبله ومغنّواتى
بنقول له يا الله يا مأدّناتى
ادّن وكبّر.. الفول مشبّر
والباميه.. تسلم.. إيدين مراتى
