فيسبوك
واتساب
طول ما الشمس بتطلع لينا
وطول ما قمر بيقيد ليالينا
هيفضل دايما حبك فينا
مالى قلوبنا وبيدفينا
يا رافع راسنا وحامى رايتنا
ما أنت كبير وزعيم قارتنا
نسلك طاهر وأصل سليم
ومش هنعد عشان دا كتير
............
ولادى وأبويا بيحبوك
واسمك لحن وبيغنوك
وبكره أحفادى هيخلوك
دايماً عالى يا نسر ملوك
فخر بلادى يا حب أجدادى
جوه فى قلبى مكان مش عادى
فى كل مكان وفى كل زمان
حبنا ليك دايماً عنوان
نمشى فى حبك ونغنيلك
وفين ما تروح دايما هنجيلك
............
جوه القلب يا ساكن روحنا
دايما نصرك بيفرحنا
وبتنسينا كل جراحنا
إحنا وراك فى الكون لافين
فى التالته شمال دايما قاعدين
ومن جوه قلوبنا ليك داعين
لو حتى بنلعب فى التسعين
كل بطولة بتلعب فيها
طعم وجودك بيخليها
أحلى بطولة تشوفها العين
عشت وعاش حبك حوالينا
يملا حياتنا ويعلينا
ولونتغرب يفضل لينا
رابط بينا وبين أهالينا
