فيسبوك
واتساب
رجعت بفكرى لسنين طويلة
وإن كانت قليلة فى عمر الزمان
كل شىء بافتكره حتى المكان
لما قاللى والدى أحلى كلام
أنت ابنى حبيبى
ورافع راسى فى كل مكان
ساعتها توج أحلامى الصغيرة
ورفع من قدرى كمان
لكن جه اليوم الحزين من
بعد سنين وسنين وافترقنا
لكنه فضل يجينى فى الأحلام
بوجه نورانى فى غاية الجمال
افتكرت وقتها اللى قاله الطبيب
الوديعة رجعت من تانى للى خلقها
مش ممكن حد يزود فى عمره
حتى وإن كان يوم
أو يقول للمطر اسقط قبل الغيوم
